မကွေးတိုင်း ရေစကြိုမြို့နယ်တွင် အကြမ်းဖက်စစ်ကောင်စီ၏ ခြေလျင်စစ်ကြောင်းကို တိုက်ခိုက်ရာ စစ်ကောင်စီတပ်သားနှစ်ဦးသေဆုံးပြီး နှစ်ဦး ပြင်းထန်ဒဏ်ရာရရှိကြောင်း ပြည်သူကာကွယ်ရေးတပ်ဖွဲ့ ရေစကြိုက ယနေ့(ဇန်နဝါရီ ၂၉ ရက်)တွင် ထုတ်ပြန်သည်။
တိုက်ပွဲ ဖြစ်စဥ်မှာ ယမန်နေ့(ဇန်နဝါရီ ၂၈ရက်) ညနေ ၅ နာရီဝန်းကျင်က ရေစကြိုမြို့နယ် သင့်သည်ရွာနင့်ကန်ဒေါင့်ရွာကြားတွင် အင်အား ၃၀ ခန့်ပါ စစ်ကြောင်းကို မိုင်းဆွဲတိုက်ခိုက်ခဲ့ခြင်း ဖြစ်သည်။
ထိုဖြစ်စဥ်တွင် ပြည်သူ့ကာကွယ်ရေး ရဲဘော်များအထိအခိုက်မရှိဘဲ ဆုတ်ခွာနိုင်ခဲ့သည်ဟုလည်း ထုတ်ပြန်ချက်က ဆိုသည်။
ဇန်နဝါရီ ၂၇ ရက်ကလည်း ရေစကြိုမြို့နယ် ထန်းတိုရွာအနီးတွင် အကြမ်းဖက်စစ်ကောင်စီကားတစ်စီး မိုင်းဆွဲတိုက်ခိုက်ခံထားရသည်။
Public Service Announcement
ထိုဖြစ်စဥ်တွင် အကြမ်းဖက်စစ်ကောင်စီတပိသားများသေဆုံးမှုကို အတည်မပြုနိုင်သေးပေ။
ဇန်နဝါရီအတွင်း ရေစကြိုမြို့နယ်ပြည်သူ့ကာကွယ် ရေးတပ်ဖွဲ့နှင့် အကြမ်းဖက်စစ်ကောင်စီတပ်တို့ ထိတွေ့တိုက်ပွဲ ခုနှစ်ကြိမ်ခန့်ဖြစ်ပွားထားသည်။
