ချင်းပြည်နယ်၊ ဟားခါးမြို့နယ် အတွင်းရှိ ပြည်သူများအနေဖြင့် မိမိတို့ရေးရာ ကိစ္စ အ၀၀ကို လမ်းညွှန်မှု ပေးနိုင်ရန်နှင့် တာဝန်ယူ ဖြေရှင်းပေးနိုင်ရေးအတွက် ကြားကာလ ဟားခါးမြို့နယ် ပြည်သူ့အုပ်ချုပ်ရေးကို ဖွဲ့စည်းကြောင်း ကြေညာလိုက်သည်ဟု ယင်းအဖွဲ့က ဖေဖော်ဝါရီ ၁ရက်တွင် ထုတ်ပြန်သည်။
ပြည်သူလူထု ဆန္ဒနှင့်ဆန့်ကျင်လျက် စစ်ကောင်စီ မှ အာဏာသိမ်းရန် ကြိုးပမ်းမှု ပြုလုပ်ခဲ့သည်မှာ ယနေ့တွင် တစ်နှစ်တိုင်ခဲ့ပြီဖြစ်ကြောင်း၊ အာဏာသိမ်းရန် ကြိုးပမ်းမှုကို နိုင်ငံတစ်ဝန်းမှ ပြည်သူလူထု တစ်ရပ်လုံးမှ လက်သင့်ခံခြင်းမရှိသကဲ့သို့ ချင်းပြည်ထောင်အတွင်းမှ ပြည်သူများ ဟားခါးမြို့နယ်အတွင်းမှ ပြည်သူများကလည်းလုံး၀ လက်သင့်ခံခြင်းမရှိကြောင်း ဖော်ပြထားသည်။
ထို့ကြောင့် အာဏာသိမ်းမှုအား နည်းလမ်းပေါင်းစုံ အသုံးပြုကာဆန့်ကျင်လျက်ရှိကြပြီး လက်နက်စွဲကိုင် ခုခံသည့်အဆင့်သို့ ရောက်ရှိခဲ့ကြောင်း၊ ပြည်သူများ၏ စည်းလုံးညီညွတ်မှုကြောင့် စစ်ကောင်စီ၏ အာဏာသည် မတည်နိုင်ဘဲ အင်အားချိနဲ့ယိုင်လဲလျက်ရှိကြောင်း ထုတ်ပြန်သည်။
အတင်းအဓမ္မ အာဏာသိမ်းယူမှုနှင့် ဖိနှိပ်အုပ်ချုပ်မှု အ၀၀ မှန်သမျှ ကို အလိုမရှိသည့်အတွက် ကြားကာလ ဟားခါးမြို့နယ် ပြည်သူ့အုပ်ချုပ်ရေး အဖွဲ့အနေဖြင့် ဖေဖော်ဝါရီ ၁ရက်နေ့မှစ၍အာဏာရှင် စနစ် အမြစ်ပြုတ်သည်အထိ တိုက်ထုတ်သွားမည်ဟုလည်း ဖော်ပြထားသည်။
Public Service Announcement
ကြားကာဟားခါးမြို့နယ် ပြည်သူ့အုပ်ချုပ်ရေးအဖွဲ့သည်စစ်အာဏာရှင် ဆန့်ကျင်ရေး လူထုလှုပ်ရှားမှုများကို ဆက်လက်ဦးဆောင်သွားမည်ဖြစ်သည့်အပြင် ဖဒက်ဒရယ်ဒီမိုကရေစီ စနစ် တည်ဆောက်ရေးနှင့် ဟားခါးမြို့နယ်အတွင်း လူထု၏ လူမှုစီးပွား ဘ၀ သာယာ၀ပြောရေးနှင့်သက်ဆိုင်သည့်အရေးကိစ္စ အ၀၀ကို တာဝန်ယူဆောင်ရွက်သွားမည်ဟုလည်း ထုတ်ပြန်သည်။
