စစ်ကိုင်းတိုင်း မြင်းမူမြို့ရှိ ပျူစောထီးစခန်းတစ်ခုကို ဝင်စီးခြင်းနှင့် မြို့အဝင်ဂိတ်အား ဖောက်ခွဲဖျက်ဆီးနိုင်ခဲ့ကြောင်း ပြည်သူ့တပ်ဖွဲ့အသီးသီးက ယနေ့ (ဖေဖော်ဝါရီ ၂ ရက်)တွင် ထုတ်ပြန်အသိပေးသည်။
မြင်းမူမြို့ရှိ ပျူစခန်းတစ်ခုကို ဖေဖော်ဝါရီ ၁ရက် နေ့လယ်ပိုင်းက ZEROပြောက်ကျားတပ်ဖွဲ့၊GTR-MMUနှင့်ZERO FIVE STARတပ်ဖွဲ့တို့ ပူးပေါင်းပြီး ဝင်ရောက်စီးနင်းခဲ့သည်။
“ဒဏ်ရာရတဲ့ ပျူတွေကအစ လူးလဲထပြီး ကိုယ်လွတ် ရုန်း ထွက်ပြေးကြ။ပျူတွေရဲ့ အလှူရှင်စာရင်းတွေ၊တခြားစာရွက်စာတန်းတွေ သိမ်းယူခဲ့ပြီး စခန်းကိုဖျက်ဆီးခဲ့တယ်”ဟု GTR MMU မှ တာဝန်ရှိသူတစ်ဦးက လူထုနွေဦးသို့ ပြောသည်။
အလားတူ မြင်းမူမြို့အဝင်တိုးဂိတ်အား အာဏာသိမ်းခံရမှု နှစ်ပတ်လည်နေ့တွင် ပြုလုပ်သော ပြည်သူများ၏ Silent Strike အောင်မြင်မှုအား ဂုဏ်ပြုသောအားဖြင့်လည်းကောင်း မြင်းမူမြို့အဝင်ရှိ တိုးဂိတ်အား ဗုံး၆လုံးဖြင့် ဖောက်ခွဲဖျက်စီးခဲ့သည်ဟု မြင်းမူ PDFက ဆိုသည်။
ယနေ့ နံနက်အစောပိုင်းက ပြုလုပ်ခဲ့သော တိုးဂိတ်ဖောက်ခွဲမှုကို People’s Defence Force Myinmu (MMUPDF) မှဦးဆောင်၍ Black Eagle Defence Force -MMU ၊ မြင်းမူလျှပ်စီးပျောက်ကြားအဖွဲ့၊ MyinMU Defence Force ၊ မြောင်မြို့နယ် ပြည်သု့ကာကွယ်ရေးနှင့်လုံခြုံရေးအဖွဲ့ – CDSOM တို့မှ ပူးပေါင်းပါဝင်ခဲ့သည်။