စက်တင်ဘာ-၂၈ ၊၂၀၂၅။ဇော်ဝင်း/People’s Spring
ကန်တော်မင်းကျောင်းဆရာတော် သီတင်းသုံးခဲ့တဲ့ သမိုင်းဝင်ဘုရားစေတီ ပရဝဏ်ကို စစ်ကောင်စီက လေကြောင်းကနေ ဗုံးကြဲဖျက်ဆီးခဲ့တယ်လို့ ဒေသခံတွေနဲ့ စစ်ရေးသတင်းရင်းမြစ်တွေက လူထုနွေဦးကို ပြောပါတယ်။
စစ်ကောင်စီဗုံးကြဲ ဖျက်ဆီးပြီးနောက် တွေ့ရသော ကန်တော်မင်းကျောင်းဆရာတော် သီတင်းသုံးခဲ့တဲ့ စေတီအား တွေ့ရစဉ်။ ဓာတ်ပုံ – Kyaw Kyaw Oo စစ်ကောင်စီဗုံးကြဲ ဖျက်ဆီးပြီးနောက် တွေ့ရသော ကန်တော်မင်းကျောင်းဆရာတော် သီတင်းသုံးခဲ့တဲ့ စေတီအား တွေ့ရစဉ်။ ဓာတ်ပုံ – Kyaw Kyaw Oo စစ်ကောင်စီဗုံးကြဲ ဖျက်ဆီးပြီးနောက် တွေ့ရသော ကန်တော်မင်းကျောင်းဆရာတော် သီတင်းသုံးခဲ့တဲ့ စေတီအား တွေ့ရစဉ်။ ဓာတ်ပုံ – Kyaw Kyaw Oo
စစ်ကိုင်းတိုင်း၊မြင်းမူမြို့နယ်၊ကန်တော်ကျေးရွာမှာရှိတဲ့ ကန်တော်မင်းကျောင်းဆရာတော် သီတင်းသုံးခဲ့ရာနေရာကို လွန်ခဲ့တဲ့ နှစ်ရက်က စက်တပ်က လေထီးနဲ့ ဗုံးတွေကြဲခဲ့တာလို့ ဆိုပါတယ်။
“ကောင်းမှုမြတ်နိုးကောင်းအောင်ကြိုး၍ကောင်းကျိုးကိုယ်၌ တည်စေမင်းတဲ့..အခုသင်ရိုးညွန်းတမ်းတွေမှာ ပါလားတော့မသိပေမဲ့ကျွန်တော်တို့ တုန်းက တော့ ပါခဲ့ပါတယ်။ ကန်တော်မင်းကျောင်း ဆရာတော်ဘုရားကြီးဆုံးမခဲ့တဲ့စာ။ကျန်စစ်သားမင်းကြီး တည်ထားခဲ့ပြီးကန်တော်မင်းကျောင်း ဆရာတော်သီတင်းသုံးခဲ့တဲ့ သမိုင်းဝင်နေရာ ဘုရားစေတီ ပရဝဏ် ပျက်ဆီးခဲ့ပါပြီ။အမျိုးဘာသာ သာသနာလို့ တွင်တွင်အော်သော (ခွေး)များက ဗုံးချ ဖျက်ဆီးခဲ့ကြလေတယ်”လို့ မြင်းမူမြို့ခံတဦးက ပြောပါတယ်။
Public Service Announcement
လက်ရှိမှာ စစ်ကောင်စီက မြင်းမူမြို့နယ်ကို စစ် ကြောင်းထိုးနေပြီး လက်နက်ကြီး၊ ငယ်တွေနဲ့ ရမ်းသမ်းပစ်ခတ်မှုတွေနေ့စဥ်ရှိနေတယ်လို့လည်း အသိပေးပါတယ်။
“စက်တပ်လေထီးနဲ့ ချသွားတာ။စစ်ရေးက တင်းမာနေတော့ သတင်းအတိအကျကတော့ ထုတ်ပြန်လို့မရသေးလို့ပါ”လို့ မြင်းမူမြို့ပြတော်လှန်ရေးအဖွဲ့ တာဝန်ရှိသူက ကန်တော်မင်းကျောင်းဆရာတော် သီတင်းသုံးရာဖျက်ဆီးခံရမှုနဲ့ပတ်သက်လို့ ရှင်းပြ ပါတယ်။
ကန်တော်မင်းကျောင်းဆရာတော်က မြန်မာ့သမိုင်းမှာ စာဆိုတော်အဖြစ် ထင်ရှားပါတယ်။ဆရာတော်ပြုစုခဲ့တဲ့ ကန်တော်မင်းကျောင်းမေ တ္တာစာ၊ လောကသာရပျို့တွေက မြန်မာဂန္ထဝင်မှာ ဒီကနေ့တိုင် ထင် ရှားကျော်ကြားပါတယ်။
သမိုင်းမှတ်တမ်းတွေအရ ဆရာတော်က အင်းဝ ခေတ်ဘုရင် ဒုတိယမင်းခေါင်၏အရီးတော် စစ်ကိုင်းမြို့စား မင်းလှထွတ်ရဲ့ ဆရာရင်းဖြစ်ပြီး ဒုတိယမင်းခေါင်နဲ့ သားရွှေနန်းကြော့ရှင်တို့လက်ထက်မှာ ထင်ရှားကျော်ကြားတဲ့ ဘုရင့်အကိုးကွယ်ခံ ဆရာတော်လည်းဖြစ်ပါတယ်။
