လူထုအား ဒုက္ခပေးနေသည့် ရဲစခန်းများအား ဆက်လက်တိုက်ခိုက်မည်ဟု ပြည်သူ့ကာကွယ်ရေးအဖွဲ့များထုတ်ပြန်
KIA နှင့် PDF က ယမန်နေ့နံနက်က တိုက်ခိုက်သိမ်းပိုက်ခဲ့သည့် မိုးညှင်းမြို့နယ်မှ မောဟန်နယ်မြေရဲစခန်းသည် စစ်ကောင်စီတပ်ဖွဲ့ဝင်များအတွက် ဂွင်ကောင်းသည့် စခန်းဖြစ်ပြီးစခန်းမှုးဖြစ်ရေးအတွက် သိန်းသုံးရာအထိ ပေါက်စျေးရှိသည့်နေရာဖြစ်ကြောင်း မိုးညှင်းပြည်သူ့ကာကွယ်
ရေးအဖွဲ့များကထုတ်ပြန်သည်။
“မော်ဟန်ရဲစခန်းမှာကျဖို့အတွက်တောင်သိန်းသုံးရာအထက်မှာ ပေါက်စျေးရှိတယ်။ဂွင်ကောင်းတာကိုး။ စကစ လက်ပါးစေတွေဟာ အာဏာသိမ်းတာကို အကြီးအကျယ်ထောက်ခံနေတယ်ဆိုတာ လပိုင်းအတွင်း သိန်း ထောင် သောင်းချီ ချမ်းသာနိုင်တဲ့အခွင့်အရေး ရှိတာကိုး” ဟု မိုးညှင်းပြည်သူ့ကာကွယ်ရေးအဖွဲ့များ၏ဖေ့စ်ဘွတ်ခ်စာမျက်နှာMoehnyin Revolution Forceက ဖော်ပြထားသည်။
မော်ဟန်နယ်မြေရဲစခန်းသည် မြစ်ကြီးနား- မန္တလေး ကားလမ်းပေါ်တွင် တည်ရှိပြီး စစ်တပ်အာဏာသိမ်းပြီးနောက် စစ်ကောင်စီတပ်ဖွဲ့ဝင်များက လူထုထံမှ ငွေတောင်းကြမ်းသည်ဟု နာမည်ကြီးသည့် စခန်းဖြစ်သည်။
Public Service Announcement
ကေအိုင်အေနှင့် PDF ပူးပေါင်းပြည်သူ့ကာကွယ်ရေးအဖွဲ့က ယမန်နေ့(ဖေဖော်ဝါရီ ၃ရက်)နံနက် လေးနာရီခန့်တွင် ဝင်ရောက်တိုက်ခိုက်ခဲ့ရာ စခန်းမှူး နှင့် တပ်ကြပ် တစ်ဦး သေဆုံးခဲ့သည်။လက်နက်ခဲယမ်းများလည်း သိမ်းဆည်းနိုင်ခဲ့သည်။
ဒေသတွင်းရှိ စစ်ကောင်စီဒေါက်တိုင် ရဲစခန်းများ၊ စစ်ဆေးရေးဂိတ်များကို ဆက်လက်တိုက်ခိုက်သွားမည်ဟု ပြည်သူ့ကာကွယ်ရေးတပ်ဖွဲ့များက ထပ်မံ သတိပေးထားသည်။
“ခွေးမျိုးတွေက သူတို့နောက်ဆုံးအချိန်ထိ လမ်းပေါ် တင်မက နေရာအနှံ့ တရားဝင် ဓါးမြတိုက်စားခွင့်ရနေတာပါ။ဟုလာမယ်။လာမယ်”ဟု Moehnyin Revolution Force က ရေးသားထားသည်။
ကချင်ပြည်နယ်တွင် ကေအိုင်အေနှင့် PDFက လက်တွဲညီစွာဖြင့် စစ်ကောင်စီအားတိုက်ပွဲဝင်နေပြီး ဖေဖော်ဝါရီ၁ ရက်မှ ဖေဖော်ဝါရီ ၃ရက်အတွင်း စစ်ကောင်စီ တပ်စခန်းသုံးခုကို တိုက်ခိုက် သိမ်းယူပြီး မီးရှို့ဖျက်ဆီးခဲ့သည်။
