အကြမ်းဖက်စစ်ကောင်စီတပ်က ဆောမြို့နယ်အတွင်း စစ်ကြောင်းထိုးရန် ပြင်ဆင်နေသောကြောင့် ဆော – ကျောက်ထုလမ်းပိုင်းကို လုံးဝဖြတ်သန်းသွားလာခြင်းမပြုရန် Yaw Defence Forceက ယနေ့ (ဖေဖော်ဝါရီ ၇)တွင် ထုတ်ပြန်သည်။
“အကြမ်းဖက်စစ်တပ်ရဲ့ တပ်သားအင်အား ၁၀၀ကျော်နဲ့ တပ်ဖြန့်လာနေတယ်။ဆောဘက်ကို စစ်ကြောင်းထိုးမယ် သတင်းရတယ်။ ဆောဘက်ကို စစ်ကြောင်းတိုးရင် ထိတွေ့မှုက ဖြစ်မှာ”ဟု Yaw Defence Force တာဝန်ရှိသူက လူထုနွေဦးသို့ ပြောသည်။
ထို့ကြောင့် အချိန်မရွေးတိုက်ပွဲများ ဖြစ်ပေါ်လာနိုင်သောကြောင့် ပြည်သူများအနေဖြင့် ဆော-ကျောက်ထုလမ်းပိုင်း လုံးဝဖြတ်သန်းခြင်းမပြုရန် အသိပေးသည်။
မကွေးတိုင်း ဆောမြို့နယ်နှင့် လောင်းရှည်မြို့တို့မှ အကြမ်းဖက်စစ်ကောင်စီ၏ အခြေစိုက်နေရာနှစ်ခုကို ပြည်သူ့ကာကွယ်ရေးတပ်များက ဖေဖော်ဝါရီ ၄ ရက်တွင် ဝင်ရောက်တိုက်ခိုက်ထားသည်။
Public Service Announcement
အဆိုပါ ဖြစ်စဥ် နှစ်ခုအနက် အကြမ်းဖက်စစ်တပ်ဘက်မှ ဒုဗိုလ်တစ်ဦးနှင့် တပ်သားတစ်ဦး သေဆုံးခဲ့သည်။
