ရေဦးတွင် စစ်ကောင်စီတပ်နှင့် အနီးကပ်တိုက်ပွဲဖြစ်ရာ ခုနစ်ဦး​သေဟု ​ရေဦး(ပ.က.ဖ)​ပြော

စစ်ကိုင်းတိုင်း ရေဦးမြို့နယ်တွင် အကြမ်းဖက်စစ်ကောင် စီတပ်နှင့် အနီးကပ်တိုက်ပွဲဖြစ်ပွားရာ စစ်​ကောင်စီတပ်သားခုနစ်ဦးသေဆုံးခဲ့​ကြောင်း ရေဦးမြို့နယ်ပြည်သူ့ကာကွယ်ရေးအဖွဲ့က ထုတ်ပြန်သည်။

ယနေ့(ဖေဖော်ဝါရီ ၁၅ ရက်) နံနက်ပိုင်းက ရေဦးမြို့၏ မြောက်ဘက်ခြမ်းဘိုရုံရွာအနီးရှိ ‌ဆည်မြောင်းတူးမြောင်းတွင် အနီးကပ်တိုက်ပွဲ ဖြစ်ပွားခဲ့သည်ဟု ရေဦး(ပ.က.ဖ) က ဆိုသည်။

“ဟိုဘက်ခြမ်း၊ ဒီဘက်ခြမ်း အနီးကပ်ထိတွေ့တိုက်ပွဲဖြစ်ခဲ့ပါတယ်။စစ်ကြောင်းထွက်လာသည့် စစ်ခွေး(၆၀) ကျော်နဲ့ မြောက်ဘက်အရပ်မှာအခြေ စိုက်ထားသည့် ပကဖ၊ PDF နှင့် ဒေသခံတော်လှန်ရေးအဖွဲ့တို့ပူးပေါင်းပြီး အနီးကပ်ရင်ဆိုင်တိုက်ပွဲကြာချိန် မိနစ် ၃၀ကျော်ထိတွေ့ခဲ့ပြီးမိမိတို့ဘက်က မိုင်း၊ရှော့ဂမ်း၊လက်လုပ်တစ်လုံးထိုးနဲ့ ရင်ဆိုင်ခဲ့ကြရတာဖြစ်ပါတယ်”ဟု ရေဦး(ပ.က.ဖ) က ပြောသည်။

တိုက်ပွဲအတွင်း အကြမ်းဖက်စစ်ကောင်စီ၏ ဗုံးသီးကြောင့် ရဲဘော်တစ်ဦး လက်အနည်းငယ်ထိခိုက်ကာ ​နောက်ထပ် ရဲဘော်တစ်ဦးလည်း လက်၌ မစိုးရိမ်ရသည့်‌ သေနတ်ဒဏ်ရာရှိခဲ့ပြီး ‌တပ်ပေါင်းစုအဖွဲ့သည် အောင်မြင်စွာဆုတ်ခွာနိုင်ခဲ့ကြောင်း အသိပေးသည်။

Public Service Announcement

အကြမ်းဖက်စစ်တပ်မှ သေဆုံးသူခုနှစ်ဦးတွင် လမ်းပြဒလန် လွှမ်းအောင်နှင့် စစ်ကောင်စီတပ်သားများဖြစ်ပြီး သေဆုံးသူများကို ချက်ချင်းမကောက်ဘဲထားခဲ့သည့်အတွက် အတည်ပြုနိုင်ခြင်းဖြစ်သည်ဟု ထုတ်ပြန်ချက်၌ ဖော်ပြသည်။