ရှမ်း-ကယားနယ်စပ်တိုက်ပွဲ စစ်ကောင်စီတပ်မှ အရာရှိ အပါအဝင် ၂၅ဦးထက်မနည်း​သေဆုံး

▪️စစ်ကောင်စီတပ်က တင့်ကား၊ လေကြောင်းတို့ဖြင့် ထပ်မံ တိုက်ခိုက်၊ ပြည်သူလူထုနေအိမ်များကို စစ်ကောင်စီတပ်မီးရှို့

ရှမ်း-ကယားနယ်စပ် ဝီသဲကူး(မြောက်ရွာ)တွင် ယနေ့ဖေဖော်ဝါရီ ၁၈ ရက်က ဖြစ်ပွားခဲ့သောတိုက်ပွဲတွင် အကြမ်းဖက်စစ်ကောင်စီဘက်မှ အရာရှိအပါအဝင် ၂၅ ဦးထက်မနည်းသေဆုံးခဲ့ပြီး အမြောက်အများ ဒဏ်ရာရရှိခဲ့ကြောင်း မြေပြင်သတင်းရရှိသည်ဟု ဒီးမော့ဆိုမြို့နယ် ပြည်သူ့ကာကွယ်ရေးတပ်(PDF)က ထုတ်ပြန်သည်။

စစ်ကောင်စီတပ်ကို ဒီးမော့ဆို PDF ၊ မိုးဗြဲ PDF၊ လွိုင်ကော် PDF၊ ဖယ်ခုံ PDF၊ KA ၊ KNDF၊ KGZ ၊JPDF ၊GZ-21 နှင့် အခြား မဟာမိတ်တပ်ပေါင်းစုများ ပူးပေါင်းပြီး ခုခံတိုက်ခိုက်ခဲ့ခြင်းဖြစ်ကြောင်း၊ တိုက်ပွဲပြင်းထန်ခဲ့သော ရှမ်း-ကယားနယ်စပ်တွင် အကြမ်းဖက်စစ်ကောင်စီတပ် အထိနာသောကြောင့် အင်အားအလုံးအရင်းနှင့် ထပ်မံဖြည့်တင်းခဲ့ကြောင်း ဖော်ပြထားသည်။

တိုက်ပွဲတွင်း ပြည်သူ့ကာကွယ်ရေးတပ်-ဒီးမော့ဆို (DMO-PDF)တပ်ဖက်က ရဲဘော်သုံးဦး ထိခိုက်ဒဏ်ရာရရှိခဲ့ပြီး မဟာမိတ်ပူးပေါင်းတပ်ဖွဲ့ဘက်မှလည်း ထိခိုက်မှုရှိ​ကြောင်း မြေပြင်သတင်းအရသိရသည်ဟု ဖော်ပြထားသည်။

Public Service Announcement

အထိနာခဲ့သော အကြမ်းဖက်စစ်ကောင်စီတပ်ဖွဲ့သည် သံချပ်ကာအမြှောက်ကား ၂စီးဖြင့် ပစ်ခတ်ကူခဲ့သည့်အပြင် ညနေ ၄နာရီဝန်ကျင်ခန့်တွင် တိုက်လေယာဉ်နှစ် စီးဖြင့် လာရောက်ဗုံးကြဲတိုက်ခိုက်ခဲ့ကြောင်း ဒီးမော့ဆို PDFက ထုတ်ပြန်သည်။

“ကလောကနေ ကရင်နီပြည်သို့ စစ်ကားအစီးရေ ၆၀ တက်လာတယ်ဗျာ အတိကျပါ ။ ပျော် ဘွယ်က​နေလဲ တွဲကားနဲ့တင့်ကား 2စီးတင်ထားပြီး စီဘောက်ဆာလဲပါပါတယ်။ခန့်မှန်းအစီး​ရေ 10စီးလောက်ရှိပါတယ်တက်လာပါပြီ ။ အခြား သူတွေအတွက်တော့ဘာမှမ​​​ဖြစ်ပေမဲ့ ကျနော်တို့ကရင်နီပြည် အတွက်တော့ အဖိခံနေရပါတယ်”ဟုကရင်နီ ဒေသတွင်း သတင်းထောက်ပို့အဖွဲ့မှ တာဝန်ရှိသူက ပြောသည်။

အကြမ်းဖက်စစစ်ကောင်စီတပ်သည် ယနေ့ နံနက်ပိုင်းကလည်း ဝှါရီဆူး ပလိုင်ကျေးရွာရှိ နေအိမ်အမြောက်အများကိုမီးရှို့ခဲ့သည်ဟု ဆိုသည်။