စစ်ကိုင်းတိုင်း မုံရွာမြို့ရှိ စစ်ကောင်စီတပ်၏ မုံရွာလေတပ်စခန်း ဌာနချုပ်ကို PDF ပူးပေါင်းတပ်ဖွဲ့က ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ကြောင်း မုံရွာအခြေစိုက် ပြည်သူ့ကာကွယ်ရေး တပ်ဖွဲ့ Freedom Revolution Force(FRF) က သတင်းထုတ်ပြန်သည်။
ယမန်နေ့ (ဖေဖော်ဝါရီ၁၈ ရက်) ညနေ ၆ နာရီ မိနစ်၂၀ ဝန်းကျင်ခန့်က အနောက်မြောက်ပိုင်းတိုင်းစစ်ဌာနချုပ်(နမခ)၊အကြမ်းဖက်စစ်ကောင်စီ၏ မုံရွာလေတပ်စခန်း ဌာနချုပ်ကို PDF ပူးပေါင်းတပ်ဖွဲ့က ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ကြောင်း မုံရွာအခြေစိုက် ပြည်သူ့ကာကွယ်ရေး တပ်ဖွဲ့ FRFက အသိပေးသည်။
ဓါတ်ပုံ-FRF)
စစ်ကောင်စီ၏လေတပ်စခန်းအားရှော့တိုက်ဒုံးဖြင့် ပစ်ခတ်ခံရပြီးနောက် လေတပ်စခန်းဘက်မှလည်း ပြန်လည်ပစ်ခတ်သံများကို ကြားရကြောင်း ဒေသခံအချိူ့ကပြောသည်။
ဇန်နဝါရီလ ၁၈ ရက်နေ့ကလည်း ဆပ်ပြာကျင်းချောင်းအနီးတွင် တပ်စွဲထားသော အကြမ်းဖက်စစ်ကောင်စီတပ်အား F R F ၊ ကောင်းကင်အဖွဲ့ ၊ LPDF အဖွဲ့များပူးပေါင်း၍ စီးနင်းတိုက်ခိုက်ခဲ့ရာ မိနစ်၃၀ ခန့် အနီးကပ်တိုက်ပွဲဖြစ်ပွားခဲ့ပြီးတော်လှန်ရေးရဲဘော်များ အထိအခိုက်မရှိ ဆုတ်ခွာနိုင်ခဲ့ပါကာ အကြမ်းဖက်စစ်ကောင်စီဘက်မှ သေဆုံးထိခိုက်မှုများ ရှိခဲ့သည်။
Public Service Announcement
အဆိုပါ လေတပ်စခန်းကို FRFနှင့်အတူ KG၊ ဗိုလ်လင်းယုန်အဖွဲ့တို့ ပူးပေါင်းပြီး မဟာမိတ်အထူးစစ်ဆင်ရေးအဖွဲ့များက 107mm ရှော့တိုက်ဒုံးခြောက်လုံးနှင့် ပစ်ခတ်ခဲ့ပြီး မဟာမိတ်အင်အားစုများ အားလုံးအောင်မြင်စွာ ဆုတ်ခွာနိုင်ကြောင်းထုတ်ပြန်ချက်တွင်ဖော်ပြထားသည်။
