ရှမ်း-ကယားနယ်စပ်တိုက်ပွဲ တ​နေကုန်ပြင်းထန်၊ စစ်​ကောင်စီတပ်မှ အရာရှိအပါအဝင် ၄၀ထက်မနည်း​သေဟု ဒီး​မော့ဆို PDF အသိ​ပေး

▪️ဒီး​မော့ဆို PDF ရဲ​ဘော် ​ဒေါမိနစ်ကျဆုံးခဲ့ရ

ရှမ်း-ကယားပြည်နယ်နယ်စပ်တိုက်ပွဲ ဆက်လက်ပြင်းထန်​နေပြီး ယနေ့(ဖေဖော်ဝါရီ ၁၉) တိုက်ပွဲတွင်အကြမ်းဖက်စစ်​ကောင်စီတပ်မှ အရာရှိအရာခံအပါ အဝင် ၄၀ဦးထက်မနည်းသေဆုံးကြောင်း ပြည်သူ့ကာကွယ်​ရေးတပ်-ဒီး​မော့ဆို(DMO – Local PDF)က ထုတ်ပြန်သည်။

အကြမ်းဖက်စစ်ကောင်စီတပ်သည် ၎င်းတို့ အထိနာနေသဖြင့် တိုက်​လေယာဥ်များထပ်မံအသုံးပြုကာ ဗုံးကြဲခဲ့သည်ဟုလည်း DMO – Local PDFက ဆိုသည်။

ယနေ့တိုက်ပွဲ ဖြစ်စဥ်နေရာများမှာ ရှမ်း- ကယားပြည်နယ် နယ်စပ်ရှိ ​ဝှာရီဆူးပလိုင်၊ လေဝိုး​၊ ဝီသဲကူး (မြောက်ရွာ) သုံးနေရာတွင် ဖြစ်သည်။

Public Service Announcement

အင်အားအလုံးအရင်းဖြင့် ထိုးစစ်ဆင်လာ​သောအကြမ်းဖက်စစ်​ကောင်စီတပ်ကို ပြည်သူ့ကာကွယ်​ရေးတပ်-ဒီး​မော့ဆို(DMO-Local PDF)၊ မိုးဗြဲ PDF၊ လွိုင်ကော် PDF၊ ဖယ်ခုံ PDF၊ KA ၊ KNDF၊ KGZ ၊JPDF ၊GZ-21 နှင့် အခြား မဟာမိတ်တပ်ပေါင်းစုများ ပူးပေါင်းတိုက်ခိုက်ခဲ့ကာ တ​နေကုန်နီးပါး တိုက်ပွဲ​ဖြစ်ပွားခဲ့သည်။

ထိုတိုက်ပွဲများတွင် မြေပြင်သတင်းများအရစစ်ကောင်စီဘက်မှ စစ်ကားသုံးစီးပျက်ဆီးခဲ့ပြီး အရာရှိအရာခံအပါအဝင် ၄၀ဦးထက်မနည်းသေဆုံးခဲ့ဟု ထုတ်ပြန်ချက်၌ ​ဖော်ပြသည်။

အထိနာခဲ့သော အကြမ်းဖက်စစ်​ကောင်စီတပ်ဖွဲ့သည် ခမရ (၄၂၂)တပ်၊ ခမရ (၅၄)တပ်မှ လက်နက်ကြီး ပစ်ကူခဲ့သလို ည​နေ ၄နာရီခန့်တွင် တိုက်လေယာဉ် ၂ စီး၊ ည​နေ ၅နာရီတွင် တိုက်​လေယာဥ် (၂)စီးဖြင့် စုစု​ပေါင်း (၄)စီးဖြင့် (၉)ကြိမ်တိုင် ဗုံးကြဲတိုက်ခိုက်ခဲ့သည်။

ထို​ကြောင့် အကြမ်းဖက်စစ်​ကောင်စီတပ်ဖွဲ့သည် ဝှာရီဆူးပလိုင်၊ ဝီသဲကူး(​မြောက်ရွာ)ရှိ စစ်​ဘေး​ရှောင်​နေအိမ် ၁၀လုံးထက်မနည်း ထပ်မံမီးရှို့ဖျက်စီးခဲ့သည့်အပြင် စစ်​ဘေး​ရှောင်​စခန်းတွင် လက်နက်ကြီး(၅)လုံးကျ​ရောက်​ပေါက်ကွဲခဲ့​ပြီး ​စစ်​ဘေး​ရှောင်ပြည်သူများသည် ဘေးလွတ်ရာသို့ထပ်မံတိမ်း​ရှောင်ခဲ့ရသည်ဟု ​​မြေပြင်သတင်းအရသိရသည်ဟု ​ဖော်ပြထားသည်။

ယနေ့တိုက်ပွဲတွင် ပြည်သူ့ကာကွယ်​ရေးတပ်-ဒီး​မော့ဆို(DMO-Local PDF) တပ်ဖွဲ့ဝင်တစ်ဦး ဖြစ်​သော ရဲ​ဘော်​​ မောင်ဒေါမိနစ်သည် တိုင်းပြည်အတွက်အသက်​ပေး ကာကွယ်သွားခဲ့သည်။

တိုက်ပွဲအတွင်း ဖယ်ဒရယ်ဒီမိုကရေစီရရှိရေးအတွက် အသက်​ပေးကာကွယ်သွားခဲ့​သော ရဲ​ဘော် ​​မောင်ဒေါမိနစ်သည် ပြည်သူ့အာဇာနည်သူရဲကောင်းအဖြစ် မှတ်တမ်းတင် ဦးညွှတ်ကြောင်း DMO-Local PDF က အသိပေးသည်။