စစ်အာဏာသိမ်းမှုကြောင့်နေရပ်စွန့်ခွာရသူ လေးသိန်းခွဲကျော်ရှိလာ

စစ်အာဏာသိမ်းတဲ့ ပြီးခဲ့တဲ့နှစ် ဖေဖော်ဝါရီလ ၁ ရက်နေ့ကစတင်ပြီး တစ်နှစ်ကျော်ကြာကာလအတွင်း နိုင်ငံတဝှမ်း နေရပ်စွန့်ခွာ ရွှေ့ပြောင်းနေထိုင်ရသူဦးရေ ဟာ လေးသိန်းခွဲကျော်ရှိလာတယ်လို့ကုလသမဂ္ဂ ဒုက္ခသည်များဆိုင်ရာမဟာမင်းကြီး ရုံး (UNHCR) က ထုတ်ပြန်ပါတယ်။

နေရပ်စွန့်ခွာ နေထိုင်ရတဲ့ ပြည်သူတွေဟာ ခိုလှုံစရာနေရာ ၊အစားအစာ ၊သောက်သုံးရေနဲ့ ရာသီဥတုဒဏ်ကို ခံနိုင်ဖို့အတွက် ပစ္စည်းတွေ မလုံလောက်မှု နဲ့ ကြုံတွေ့နေရတယ်လို့သိရပါတယ်။

ဒါကြောင့် တိုက်ပွဲဖြစ်နေတဲ့ မူလနေရပ်ကိုပဲ ပြန်သွားရတာမျိုးတောင်ရှိတယ်လို့ UNHCR က ဆိုထားပါတယ်။

တိုက်ပွဲတွေဖြစ်နေတဲ့ စစ်ကိုင်းတိုင်းမှာဆိုရင် နေရပ်စွန့်ခွာ ရသူ ဦးရေဟာ တစ်သောင်းခန့်တိုးလာပါတယ်။

Public Service Announcement

နေရပ်စွန့်ခွာ ပြောင်းရွေ့ရသူတွေအတွက် ခိုလှုံစရာနေရာတွေ အများအပြား လိုအပ်နေတယ်လို့ UNHCR က ဆိုပါတယ်။

ဒါအပြင် မြန်မာနိုင်ငံမှာ ကိုဗစ် ကူးစက်ခံရသူများပြားနေတာကြောင့် နေရပ်စွန့်ခွာ နေရသူတွေ မှာလည်း ရောဂါကူးစက်ခံနေရတယ်လို့သိရပါတယ်။