စစ်တပ်အာဏာသိမ်းတဲ့ ဖေဖော်ဝါရီလ ၁ ရက်ကတည်းက ဖမ်းဆီးခံထားရတဲ့ ကျောင်းသားသမဂ္ဂခေါင်းဆောင်ဟောင်းကိုမင်းသွေးသစ်ကို ဒီနေ့မှာ လွှတ်ပေးလိုက်တယ်လို့ နိုင်ငံရေးအသိုင်းအဝိုင်းကနေသိရပါတယ်။
စစ်ကောင်စီဟာ ကိုမင်းသွေးသစ်ကို ဖမ်းဆီးပြီးတဲ့နောက် လိုင်စင်မဲ့ကား သုံးစွဲတယ်လို့ အမှုဆင်ကာ ထောင်ဒဏ် တစ်နှစ် ချထားတာပါ။
ဒီနေ့မှာတော့ ထောင်ဒဏ် လွတ်ရက်စေ့လို့ပြန်လည်လွတ်မြောက်လာတာလို့သိရပါတယ်။
ကိုမင်းသွေးသစ်ဟာ စစ်အာဏာသိမ်းတဲ့မနက်အစောပိုင်းမှာ ဖမ်းခံလိုက်ရပြီး စစ်ကြောရေးမှာ တစ်လနီးပါး နေထိုင်ခဲ့ရတယ်လို့သိရပါတယ်။
အဲဒီနောက် အင်းစိန်ထောင်ကိုပို့လိုက်တာပါ။ ကိုမင်းသွေးသစ်နဲ့ အင်းစိန်ထောင်မှာ အတူနေခဲ့သူ သတင်းစာဆရာ ကိုနေသန်မောင်က ဒီလို လွတ်မြောက်လာတဲ့အပေါ် ဝမ်းသာကြောင်းရေးသားထားတာတွေ့ရပါတယ်။
ကိုမင်းသွေးသစ်ဟာ ၂၀၁၅ ခုနှစ် ဒီမိုကရေစီပညာရေးသပိတ်မှာ ဦးဆောင်သူကျောင်းသားသမဂ္ဂခေါင်းဆောင်တစ်ဦးလည်းဖြစ်ပါတယ်။