စစ်အာဏာရှင်အဆက်ဆက်ကို တော်လှန်ခဲ့သူ ၁၉၆၂ ကျောင်းသားခေါင်းဆောင်ဟောင်း ဦးလှရွှေဟာ ဒီနေ့ညနေပိုင်းမှာ ကွယ်လွန်သွားတယ်လို့ သမီးဖြစ်သူက လူမှုကွန်ရက်ကတဆင့် အသိပေးထားပါတယ်။
ဦးလှရွှေဟာ ၁၉၆၂ ကျောင်းသားခေါင်းဆောင် ဖြစ်ပြီး၊ ၆ ကြိမ်မြောက် ဗကသများအဖွဲ့ချုပ်ညီလာခံ ကနေ တင်မြှောက်တဲ့ ဗဟိုအလုပ်အမှုဆောင်အဖွဲ့ ဝင် (အတွင်းရေးမှူး )ဖြစ်တယ်လို့ ဗကသများအဖွဲ့ချုပ်က ထုတ်ပြန်ထားပါတယ်။
ဒါအပြင်အိုးဝေမဂ္ဂဇင်းရဲ့ နောက်ဆုံးအယ်ဒီတာလည်းဖြစ်တယ်လို့သိရပါတယ်။
မကွန်လွန်မီရက်ပိုင်းကတော့ ဦးလှရွှေဟာ အောက်ဆီဂျင် ရှုနေရပြီး အောက်ဆီဂျင်လိုအပ်နေတယ်လို့ မိတ်ဆွေတွေက လူမှုကွန်ရက်ကတဆင့် အကူအညီတောင်းခံထားခဲ့တာတွေ့ရပါတယ်။