ကသာတွင် PDF ပူးပေါင်းအဖွဲ့နှင့် တိုက်ပွဲဖြစ်၍ စစ်ကောင်စီတပ် ​လေးဦးထက်မနည်းသေ

ကသာမြို့နယ်တွင် ပြည်သူ့ကာကွယ်ရေးတပ်(PDF) ပူးပေါင်းအဖွဲ့နှင့် စစ်ကောင်စီတပ်တို့ ယနေ့ တိုက်ပွဲဖြစ်ပွားခဲ့ရာ စစ်ကောင်စီဘက် ​လေးဦးသေဆုံးပြီး အများအပြားဒဏ်ရာရရှိခဲ့ဟု ကသာ PDFက ထုတ်ပြန် သည်။

ကသာမြို့နယ် မှတ်တိုင်ကျေးရွာ၊ တာဝါတိုင်အနီးတွင် စစ်ကောင်စီတပ်များကို မြို့လှPDF၊ကသာPDF၊ ကသာမြို့နယ် ပြည်သူ့ကာကွယ်ရေးတပ်ဖွဲ့ (ပ-က-ဖ)တို့ ပူးပေါင်းတိုက်ခိုက်ခဲ့သည်ဟု ဆိုသည်။

မတ်လ ၃ရက် နံနက် ၈နာရီခန့်တွင် မှတ်တိုင်ကျေးရွာ၊တာဝါတိုင်အနီးတွင် မြို့လှမြို့မှ ခြေလျင်စစ်ကြောင်းထိုးလာသော အင်အား ၇၀ခန့်ပါ စစ်ကောင်စီတပ်ကို PDF ပူးပေါင်းအဖွဲ့က ကြိုတင်စောင့်ဆိုင်းတိုက်ခိုက်ခဲ့ ခြင်းဖြစ်သည်ဟု ဖော်ပြထားသည်။

အဆိုပါ တိုက်ပွဲတွင် စစ်ကောင်စီတပ်မှ ​လေးဦးထက်မနည်းကျဆုံးပြီး ပြင်းထန်ဒဏ်ရာရသူများပြားကြောင်း၊ပြည်သူ့ကာကွယ်ရေးတပ်မှ ရဲဘော်တစ်ဦးဒဏ်ရာရရှိခဲ့ကြောင်း ထုတ်ပြန်ခဲ့သည်။

Public Service Announcement