သံဃာတစ်ပါးဦးဆောင်သော စစ်ကောင်စီထောက်တိုင် ပျူစောထီးအဖွဲ့ကို မဟာမိတ်ညီနောင်အဖွဲ့နှင့်အတူ ပူးပေါင်းတိုက်ခိုက်ခဲ့ကြောင်း Chaung U Revolution Army (C.R.A) အဖွဲ့က ယနေ့(မတ် ၃)ထုတ်ပြန်သည်။
အကြမ်းဖက်စစ်ကောင်စီထောက်တိုင်ဖြစ်သော ကံကြီးကုန်းရွာမှ သံဃာတစ်ပါးဦးဆောင်သော ပျူစောထီးအဖွဲ့သည် ယနေ့(မတ် ၃ ရက်)တွင် ဝယာကျေးရွာသို့ဝင်ရောက်ပြီး နေအိမ်များနှင့် ကွမ်းခြံများကို မီးရှို့ဖျက်ဆီးခဲ့ကြောင်း ထုတ်ပြန်ချက်တွင် ဖော်ပြသည်။
ထို့အပြင် အဆိုပါအဖွဲ့မှာ ဝယာကျေးရွာအတွင်း ဝင်ရောက်စဥ် ပြည်သူများကြောက်လန့်စေရန် သေနတ်များဖြင့် ရမ်းသမ်းပစ်ခတ်မှုများလည်းရှိခဲ့ကြောင်း ထုတ်ပြန်ချက်တွက် ပါရှိသည်။
ယင်းပျူစောထီးအဖွဲ့များ ဝယာကျေးရွာမှအပြန် ဝယာနှင့် ယာကြီးကြားလမ်းပိုင်းတစ်နေရာတွင် မဟာမိတ်ညီနောင် ဒေသကာကွယ်ရေးအဖွဲ့များမှ ပဒေသာမိုင်းနှစ်လုံးဖြင့်ဖောက်ခွဲတိုက်ခိုက်ခဲ့ရာ ပျူစောထီးအဖွဲ့မှ ငါးဦးသေဆုံးကာ ဒဏ်ရာပြင်းထန်သူ ငါးဦးထက်မနည်းရှိကြောင်း အသိပေးထားသည်။
Public Service Announcement
အထက်ပါတိုက်ခိုက်မှုကို Chaung U Revolution Army ( C.R.A ) နှင့် Chaung U Local Defence Force ( CHU- LDF )တို့မှ ပူးပေါင်းတိုက်ခိုက်ခဲ့ခြင်း ဖြစ်သည်။
အကြမ်းဖက်စစ်ကောင်စီသည် ၎င်းတို့ကိုထောက်ခံသူများအားစုစည်း၍ စစ်ကိုင်းတိုင်းအတွင်းရှိမြို့နယ်အချို့တွင် သေနတ်ပစ်သင်တန်းများပေးလျက်ရှိရာ သံဃာအချို့လည်းပါဝင်သည်ကို တွေ့ရသည်။
