▪️နိုင်ငံတဝန်းပြည်သူများ ပူးပေါင်းဝန်းရံပေးကြရန် တောင်းဆို
ရှမ်း-ကယား(ကရင်နီ)ပြည်နယ်အစပ် တိုက်ပွဲများမှာ ၁၇ ရက်တာကြာမြင့်ပြီဖြစ်သော်လည်း အကြမ်းဖက်စစ်ကောင်စီတပ်များကို နားရက်မရှိ ဆက်လက်ခုခံနေမည်ဟု လွိုင်ကော် PDFက ထုတ်ပြန်သည်။
ဖေဖော်ဝါရီ ၁၅ရက်က စတင်ဖြစ်ပွားခဲ့သော မိုးဗြဲတိုက်ပွဲသည် ယနေ့ (မတ်လ ၄ ရက်)ထိတိုင်လျှင် ၁၇ရက်တာ ကြာမြင့်ခဲ့ပြီဖြစ်ပြီး တိုက်ပွဲစစ်မျက်နှာမှာလည်း မိုးဗြဲမှ နန့်မယ်ခုံ၊ နန့်မယ်ခုံမှ ဒီးမော့ဆိုမြို့နယ် ပူဖားကျေးရွာတစ်ဝိုက်ကို ရောက်ရှိလာသည်။
၁၇ရက်တာ ကြာမြင့်ပြီဖြစ်သော တိုက်ပွဲများတွင် လွိုင်ကော် PDFအပြင် ကရင်နီတပ်မ တော်KA၊ ကရင်နီ အမျိုးသားများကာကွယ်ရေး တပ်ဖွဲ့ KNDF ၊ ဒီမောဆိုး PDF နှင့် အလယ်ပိုင်းတိုင်း အထူးတိုက်ခိုက်ရေးအဖွဲ့ နှင့်အတူ အခြားသော မဟာမိတ်တပ်ပေါင်းစုများလည်း ပူးပေါင်း ပါဝင်ကာ နေ့စဉ် ၂၄ နာရီ တာဝန်ခွဲဝေပြီး တိုက်ပွဲဝင်ကာ အကြမ်းဖက်စစ်အုပ်စုကို ခုခံနေကြောင်း အသိပေးသည်။
Public Service Announcement
အကြမ်းဖက်အုပ်စုသည် မိုးဗြဲမှ စတင်စစ်ကြောင်း ထိုးဝင်လာပြီး ၎င်းတို့ စစ်ကြောင်းဦးတည်ချက်မှာ ဒီးမော့ဆို မြို့ဆီသို့ ဖြစ်သည်။
မိုးဗြဲနှင့် ဒီးမော့ဆိုသည် ၁၅ မိုင်ခန့်သာ ကွာဝေးသည့် ခရီးဖြစ်ပြီး ယခုထိုစစ်အား အကြမ်းဖက် စစ်ကောင်စီသည် တင့်ကား ၊တာဝေးပစ် ဒုန်းကား ၊ ရဟပ်ယာဉ် ၊ လေယာဉ်အပါအဝင် ခြေလျှင်တပ်အင်အား ၅၀၀ ဝန်းကျင်ခန့်ဖြင့် ပင်မစစ်ကြောင်း သုံးကြောင်း၊ အရံစစ်ကြောင်းမြောက်များစွာသုံးကာ တိုးဝင်လာသည်ဟု လွိုင်ကော် PDF က ဆိုသည်။
အကြမ်းဖက်အုပ်စုသည် လူ၊လက်နက်အင်အားအလွန်အကျွံသုံးကာ ရေကုန်ရေခမ်း တိုးဝင်နေကြခြင်းဖြစ်ပြီး ကရင်နီ ပြည်သူ့ကာကွယ်ရေးတပ်ပေါင်းစုများမှလည်း ကျားကုတ်ကျားခဲ ခုခံစစ်ဆင်နွှဲနေရကြောင်း အသိပေးသည်။
အကြမ်းဖက်စစ်အုပ်စုမှ နေ့စဉ်နှင့်အမျှ အသေအ ပျောက်များစွာ ရှိပြီး ထိုအရေအတွက်ကို အတည်မပြုနိုင်သော်လည်း မျက်မြင်ရဲဘော်များ၏ အတည်ပြုချက်များ ရရှိထားကြောင်စလည်း သိရသည်။
ယခုနောက်ပိုင်းတွင် ပြည်သူ့ကာကွယ်ရေးတပ်ဖွဲ့များဘက်မှ ကျဆုံးမှုနည်းပါးပြီး မိုးဗြဲနှင့် ဝါရီဆူးပလိုင်ရွာတစ်ဝိုက်တွင် တိုက်ပွဲများ ဖြစ်ပွားခဲ့စဉ်က ကျဆုံးမှု ဒဏ်ရာရမှု ပမာဏ များပြားခဲ့သော်လည်း နောက်ပိုင်းတွင် ပိုမိုကျစ်လစ်စွာ တိုက်ခိုက်နိုင်ကြပြီး ဆုံးရှုံးထိခိုက်မှု ပမာဏကို အနိမ့်ဆုံးထိ လျော့ချနိုင်ခဲ့ကြောင်း လွိိုင်ကော် PDFက ပြောသည်။
သို့သော် ပြည်သူများ စစ်ရှောင်ပမာဏမှာ နေ့စဉ်နှင့်အမျှ တရိပ်ရိပ် တိုးပွားလာကာ ကာကွယ်ရေးတပ်များ၏ လိုအပ်ချက်များလည်း နေ့စဉ်နှင့်အမျှ မြင့်တက်လျှက်ရှိသည့်အတွက် နိုင်ငံနှင့်အဝန်းမှ ပြည်သူများမှ ဝန်းရံကူညီ ပူးပေါင်းပေးပါရန် တိုက်တွန်းထားသည်။
