Connect with us

Hi, what are you looking for?

LuduNwayOo

News

စစ်ဆင်ရေးတွင် လမ်းပြပေးပြီး စစ်ကောင်စီဘက်က တိုက်ခိုက်ပေးနေသည့် KNGနှင့် ပျူများကို အရေးယူမည်ဟု KNDF သတိ​ပေး

KNGသည် ကယန်းပြည်သစ်ပါတီမှ ခွဲထွက်ပြီး ၁၉၉၂ တွင် စစ်အစိုးရနှင့် အပစ်အခတ်ရပ်စဲရေး လုပ်ဆောင်ခဲ့သည့် အဖွဲ့ဖြစ်ကြောင်း Karenni’s Voiceက ဖော်ပြထားသည်။

(KNDF -B 03မှ ရဲ​ဘော်များကို ​ရှေ့တန်းတစ်​နေရာတွင် ​တွေ့ရစဥ်၊ ဓာတ်ပုံ - KNDF)

အကြမ်းဖက်စစ်ကောင်စီတပ်၏စစ်ဆင်‌ရေးများတွင် လမ်းပြပေးပြီး စစ်ကောင်စီဘက်က တိုက်ခိုက်ပေးနေသည့် ကယန်းအမျိုးသားကာကွယ်ရေးတပ်(KNG) နှင့် ပျူစောထီးများအား အရေးယူသွားမည်ဖြစ်ကြောင်း ကရင်နီအမျိုးသားများကာကွယ်ရေးတပ်(KNDF)က ယနေ့ ထုတ်ပြန်သည်။

ရှမ်းပြည်နယ်တောင်ပိုင်း မိုးဗြဲမြို့မှ ဒီးမော့ဆိုမြို့နယ် အထိ ဖေဖော်ဝါရီ၁၅ရက်မှ စတင်သော အကြမ်းဖက် စစ်ကောင်စီတပ်၏ စစ်ဆင်ရေးများအတွင်း နယ်မြေအနေအထား၊ ဒေသတွင်း အခြေအနေနှင့် စစ်ဆင်ရေး လမ်းကြောင်းများကို မိုးဗြဲအခြေစိုက် ကယားအထူးဒေသ (၁) – ကယန်း အမျိုးသားကာကွယ်ရေးတပ် (KNG)မှ ဦးဆောင်လမ်းပြပေးနေကြောင်း KNDF က ထုတ်ပြန်သည်။

ထို့အပြင် KNG၏ ဦးဆောင်မှုဖြင့် ပျူစောထီးအဖွဲ့များကို အကြမ်းဖက်စစ်ကောင်စီမှ လက်နက်တပ်ဆင်ပေးပြီး၊ ပြည်သူများနှင့် ပြည်သူ့ကာကွယ်ရေးတပ်ဖွဲ့များကို တိုက်ခိုက်နေကြောင်း ဖော်ပြထားသည်။

ယင်းသို့သော KNG၏ လုပ်ရပ်မျာကြောင့် အကြမ်းဖက် စစ်ဆင်ရေး လမ်းကြောင်းတစ်လျှောက်ရှိ ကျေးရွာများမှ ကယန်းလူမျိုးများနှင့် ပြည်သူများ ဒုက္ခရောက်ရကြောင်း၊ထို့ကြောင့် KNDFအနေဖြင့် အကြမ်းဖက်စစ်ကောင်စီတပ်နှင့် ပူးပေါင်းဆောင်ရွက်နေသော KNG နှင့် ၎င်းတို့၏ အပေါင်းအပါ ပျူစောထီးအဖွဲ့များ၊ ဆက်စပ်ပတ်သက်သူများ အားလုံးကို ထိရောက်စွာဒဏ်ခတ်အရေးယူသွားမည်ဟု ကြေညာခဲ့သည်။

Public Service Announcement

Public Service Announcement

KNGသည် ကယန်းပြည်သစ်ပါတီမှ ခွဲထွက်ပြီး ၁၉၉၂ တွင် စစ်အစိုးရနှင့် အပစ်အခတ်ရပ်စဲရေး လုပ်ဆောင်ခဲ့သည့် အဖွဲ့ဖြစ်ကြောင်း Karenni’s Voiceက ဖော်ပြထားသည်။

ဆက်စပ်သတင်းများ

သတင်း

တပ်မဟာ(၄)နယ်မြေ ဘိတ်-ထားဝယ်ခရိုင်တွင် အခြားသော KTLA တပ်ဖွဲ့များရှိသော်လည်း ဗိုလ်ကော်လာဖိုး တပ်ဖွဲ့နှင့်သာ ပြဿနာဖြစ် နေသည်ဟု ပဒိုစောအယ်နားက ပြောသည်။

သတင်း

တိုက်ပွဲအတွင်း ချေမှုန်းရေးစစ်ကြောင်းမှ ရဲဘော်များသည် ဘန်ကာ သုံးခုအား ဝိုင်းထားနိုင်ခဲ့သော်လည်း စခန်းအနီးနားရှိ ဆင်အင်းစခန်းမှ တပ်ကူရောက်လာ၍ ပြန်လည်ဆုတ်ခွာခဲ့ကြောင်း 96 Soldiers - PDF(အညာဒေသ)က ဆိုသည်။

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

နိုင်ငံတကာ

ဂါဇာ ကျန်းမာရေး ဝန်ကြီးဌာနရဲ့ အဆိုအရ စစ်ပွဲအစပြုခဲ့တဲ့ အောက်တိုဘာ ၇ ရက်နေ့နောက်ပိုင်း ပါလက်စတိုင်း အသေအပျောက်ဟာ ၃၉၀၀၀ နီးပါးလောက်ထိ များပြားလာခဲ့ကြောင်း သိရပါတယ်။