ဒီးမော့ဆိုမြို့နယ် ကျောက်ဆည်ကန်ဒေသတွင် ယနေ့နံနက် အစောပိုင်းမှစ၍ တိုက်ပွဲများ ဖြစ်ပွားခဲ့ရာ အကြမ်းဖက်စစ်ကောင်စီတပ်မှ ၄၀ ကျော်သေဆုံးခဲ့သည်ဟု ကရင်နီဒီမိုကရက်တစ်တပ်ဦး(KDF)က ထုတ်ပြန်သည်။
အဆိုပါ တိုက်ပွဲတွင် KDF၊ JPDF၊ KNDF၊ ဒီးမော့ဆို PDFတို့ ပူးပေါင်း တိုက်ခိုက်ခဲ့ရာ တိုက်ပွဲတွင် KDF နှင့် DMO PDF တို့ပူးပေါင်းကာ အကြမ်းဖက်စစ်ကောင်စီ တပ်သားများထံမှ လက်နက်နှင့်ကျည်များ သိမ်းဆည်းနိုင်ခဲ့သည်ဟု ဖော်ပြထားသည်။ MA -1 အမျိုးအစားခေါ် သေနတ် ၂လက်ရရှိခဲ့ပြီး ပူးပေါင်းကာကွယ်ရေးတပ်များ ပြန်လည်ဆုတ်ခွာနိုင်ခဲ့ကြောင်း KDFက ဆိုသည်။
ယနေ့ မွန်းလွဲ ၃နာရီခွဲခန့်တွင် စစ်ကောင်စီတပ်က ဒီးမော့ဆို ဒေါငံခါးဘက်သို့ လေကြောင်းမှ ခြောက်ကြိမ် တိုက်ခိုက်ခဲ့ကြောင်း၊ တိုက်ခိုက်မှုအတွင်း မီးလောင်မူ တစ်ချို့ ဖြစ်ပွားခဲ့ပြီး ထိခိုက်ဒဏ်ရာရမှု မရှိကြောင်း KDFက ထုတ်ပြန်သည်။
ကျောက်ဆည်ကန်တိုက်ပွဲတွင် စစ်ကောင်စီတပ်ဖွဲ့ဝင် နှစ်ဦး အရှင်ဖမ်းမိထားပြီး လက်နက် ၇လက်ရရှိထားကြောင်း အလယ်ပိုင်းတိုင်းအထူးစစ်ဆင်ရေးအဖွဲ့က ယနေ့ ညနေပိုင်းတွင် ဓာတ်ပုံများနှင့်တကွ ထုတ်ပြန်ထားသည်။
Public Service Announcement
