ဒီနေ့က စတင်ပြီး ရက်သတ္တပတ် တစ်ပတ်ကြာ နေရာအချို့မှာ လျှပ်စစ်မီးအချိန်ပိုင်းဖြတ်တောက်မယ်လို့ စစ်ကောင်စီက ကြေညာထားတာကြောင့် အဲဒီကာလအတွင်း ယာယီခဏ ဆက်သွယ်ရေးအခက်အခဲတွေရှိနိုင်တယ်လို့ တယ်လီနောမြန်မာက သုံးစွဲသူတွေထံ မက်ဆေ့ချ်ပေးပို့လာပါတယ်။
နိုင်ငံအနှံ့မီးဆိုးဆိုးရွားရွားပျက်တောက်နေတဲ့ကြားထဲကနေ မတ်လ ၁၂ ရက်ကနေ မတ်လ ၁၈ ရက်အထိ လျှပ်စစ်မီးပေးတာကို အချိန်ပိုင်းလျော့ကျမယ်လို့စစ်ကောင်စီက ကြေညာထားတာပါ။
ဒါကြောင့် အဲဒီအချိန်ကာလအတွင်း ယာယီခဏ ဆက်သွယ်ရေးအခက်အခဲ ရှိနိုင်ပြီး အဆင်မပြေမှုတွေအတွက် နားလည်ပေးဖို့ တယ်လီနောမြန်မာက မေတ္တာရပ်ခံထားပါတယ်။
စစ်အုပ်စုဟာ အာဏာသိမ်းတဲ့ရက်ကစပြီး ဆက်သွယ်ရေးလိုင်းတွေဖြတ်တောက်တာ၊ အင်တာနက် ဖြတ်တောက်တာတွေကို လုပ်ဆောင်ခဲ့တာတွေရှိပါတယ်။
ဒီလို လုပ်ဆောင်ဖို့အတွက်ကိုလည်း ဆက်သွယ်ရေးကုမ္ပဏီတွေကို စစ်ကောင်စီက စေခိုင်းတာလည်းဖြစ်ပါတယ်။