မန္တလေးမြို့ပေါ်တွင် ဆိုင်ကယ်ဖမ်းပြီး ပြည်သူလူထုထံမှ ငွေညှစ်တောင်းနေသည့် စစ်ကောင်စီတပ်ဖွဲ့တစ်ခုကို ဗုံးပစ်တိုက်ခိုက်ခဲ့ကြောင်း မန်းအခြေစိုက် PDF မဟာမိတ်ညီနောင်သုံးဖွဲ့က ယနေ့ (မတ် ၁၄)ထုတ်ပြန်သည်။
ယနေ့နံနက် ၁၁ နာရီခန့်က မန္တလေးမြို့ ၆၂ လမ်းနှင့် သိပ္ပံလမ်းထောင့်မီးပွိုင့်ရှိ စစ်ကောင်စီတပ်လက်အောက်ခံ တပ်ဖွဲ့ဝင်များကို တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“မတရားဆက်ကြေးကောက်နေတာကို လက်မခံနိုင်လို့ တိုက်ခိုက်ခဲ့တာပါဗျ”ဟု ညီနောင်မဟာ မိတ်သုံးဖွဲ့တွင်ပါဝင်သော Guerilla Force Of Mandalay မှ ရဲဘော်တစ်ဦးက ပြောသည်။
ဗုံးဖြင့် တိုက်ခိုက်ခံရမှုကြောင့် ယာဥ်များအားဖမ်းဆီးစစ်ဆေးကာ ငွေကြေးတောင်းယူနေသည့် စစ်ကောင်စီတပ်မှ စစ်သားနှစ်ဦး၊ ရဲတစ်ဦးနှင့် ယာဥ်ထိန်းရဲတစ်ဦး ထိခိုက်ဒဏ်ရာရသွားကြောင်း ၎င်းက ဆက်ပြောသည်။
Public Service Announcement
အထက်ပါတိုက်ခိုက်မှုကို Guerilla Force Of Mandalay ၊ Mandalay Black King Scorpion ၊ Mandalay Ranger Force ညီနောင်သုံးဖွဲ့ ပူးပေါင်းတိုက်ခိုက်ခဲ့ခြင်း ဖြစ်သည်။
အဆိုပါညီနောင်သုံးဖွဲ့မှ မန္တလေးသူနာပြုတက္ကသိုလ်ရှေ့ရှိ စစ်ကောင်စီတပ်အစောင့်ဂိတ်အားလည်း ဗုံးပစ်တိုက်ခိုက်ခဲ့ကြောင်း အသိပေးထားသည်။
