မန္တလေး ကျုံးမြောက်ဘက်ခြမ်းမှာ ဆိုင်ကယ်တားတာကို မရပ်ပေးလို့ဆိုကာ စစ်ကောင်စီတပ်ဖွဲ့ဝင်တွေ လိုက်လံပစ်ခတ်တာကြောင့် အသက် ၂၀ အရွယ်အမျိုးသမီးတစ်ဦး သေဆုံးသွားပါတယ်။
မနေ့ကညပိုင်း ၉ နာရီလောက်မှာ ဆိုင်ကယ်စီးလာတဲ့ လူငယ်သုံးဦးကို စစ်ကောင်စီက ပစ်ခတ်ခဲ့တာပါ။
ဒီလိုပစ်ခတ်မှုကြောင့် ဆိုင်ကယ်ပေါ်လိုက်ပါလာတဲ့အမျိုးသမီးဟာ လည်ပင်းကိုကျည်မှန်ပြီး ပွဲချင်းပြီးသေဆုံးသွားပါတယ်။
နောက်ထပ်လူငယ်အမျိုးသားတစ်ဦးလည်း ရင်ဘတ်ကို ကျည်မှန်ပြီးစိုးရိမ်ရတယ်လို့သိရပါတယ်။
Public Service Announcement
ကျည်မှန်ပြီး သေဆုံးသွားတဲ့ အမျိုးသမီးကို ဒီနေ့ သဂြိုဟ်လိုက်တယ်လို့ မိသားစုဝင်တွေနဲ့ နီးစပ်သူတွေထံကသိရပါတယ်။
မန္တလေးမှာ စစ်ကောင်စီဟာ ညဘက်အချိန်မှာ သွားလာသူတွေကို မရပ်ရင် ပစ်သတ်တာတွေလုပ်နေတာပါ။
ပြီးခဲ့တဲ့လပိုင်းကလည်း ကျုံးတောင်ဘက်ခြမ်း မှာ ဆိုင်ကယ်စီးသွားတဲ့ လူငယ်တွေကို ပစ်ခတ်တာတွေလုပ်ခဲ့ပါသေးတယ်။
