ဖရူဆိုတွင် ရဲစခန်းနှင့် ခမရ(၅၃၁)ကို တိုက်ခိုက်ရာစစ်​ကောင်စီတပ်သား လေးဦး​သေဟု KNDF ​ပြော

ကရင်နီ(ကယား)ပြည်နယ် ဖရူဆိုမြို့မရဲစခန်းနှင့် ခမရ (၅၃၁)တပ်ကို ဝင်ရောက်တိုက်ခိုက်ရာ စစ်ကောင်စီတပ်သားလေးဦးသေဆုံးကြောင်း ကရင်နီအမျိုးသားများကာကွယ်ရေးတပ်(KNDF)တပ်ရင်း -၁၅က ထုတ်ပြန် သည်။

ယနေ့(မတ်လ ၁၈) နံနက် ၇နာရီခန့်က ဝင်ရောက်တိုက် ခိုက်ခဲ့ခြင်းဖြစ်ပြီး တိုက်ပွဲကြာချိန် နာရီဝက်ကြာမြင့်ခဲ့သည်ဟု ဆိုသည်။

တိုက်ပွဲအတွင်း KNDF တပ်ရင်း-၁၅မှ ရဲဘော်များ တစ်စုံတစ်ရာထိခိုက်မှုမရှိကြောင်း ထုတ်ပြန်ချက်၌ ဖော်ပြသည်။

မတ်လ ၈ရက်ကလည်း ပြောက်ကြားစနစ်ဖြင့် ခမရ(၅၃၁)တပ်စခန်းကို တိုက်ခိုက်ခဲ့ပြီး အရာရှိတစ်ဦးကျဆုံးခဲ့ကြောင်း KNDF က ထုတ်ပြန်ထားသည်။

Public Service Announcement

ကရင်နီပြည်နယ်တွင် နေ့စဥ်ရက်စက် တိုက်ပွဲများပြင်းထန်နေပြီး နှစ်ဖက်ထိခိုက်ကျဆုံးမှုများ ရှိကာ ယနေ့ နေ့လည်ပိုင်းတွင် မိုးဗြဲမြို့၌ တိုက်ပွဲများပြင်းထန်နေကြောင်းလည်း ဒေသခံသတင်းရင်းမြစ်များက အသိပေးသည်။