Connect with us

Hi, what are you looking for?

LuduNwayOo

News

သံတောင်မြို့နယ်အတွင်း စစ်ဘေးရှောင်တွေ ဆန်လိုအပ်နေ

ထွက်ပြေးတိမ်းရှောင်နေရသူတွေထဲမှာ အမျိုးသမီး ကလေးသူငယ်နဲ့ သက်ကြီးရွယ်အိုတွေပါဝင်ပြီး လက်ရှိမှာ စစ်ဘေးရှောင်တွေအတွက် ဆန်အကူအညီလိုအပ်နေတယ်လို့ ကေအဲန်ယူက ပြောပါတယ်။

ကေအဲန်ယူ တောင်ငူခရိုင် တပ်မဟာ ၂ နယ်မြေ သံတောင်မြို့နယ်အတွင်းမှာ စစ်ဘေးရှောင်နေရတဲ့ ပြည်သူတွေ စားနပ်ရိက္ခာအခက်အခဲတွေကြုံနေရပြီး လတ်တလောမှာ ဆန်လိုအပ်ချက်ရှိနေတယ်လို့ ကေအဲန်ယူထံကနေ သိရပါတယ်။

စစ်ကောင်စီတပ်ဟာ ဒေါ်ဖခို(သံတောင်)မြို့နယ် ထာသောဖိုလီနဲ့သောက်ရေခပ်ရွာအတွင်းကို လက်နက်ကြီးလက်နက်ငယ်နဲ့ နေ့စဉ်ခြိမ်းခြောက်ပစ်ခတ်ခဲ့တာကြောင့် ထာသောဖိုလီနဲ့ သောက်ရေပ်ခပ်ကျေးရွာက ရွာသားတချို့ဟာ ဘေးလွတ်ရာကို ပြေးပုန်းနေကြရတယ်လို့ ကေအဲန်ယူက ဆိုပါတယ်။

ထွက်ပြေးတိမ်းရှောင်နေရသူတွေထဲမှာ အမျိုးသမီး ကလေးသူငယ်နဲ့ သက်ကြီးရွယ်အိုတွေပါဝင်ပြီး လက်ရှိမှာ စစ်ဘေးရှောင်တွေအတွက် ဆန်အကူအညီလိုအပ်နေတယ်လို့ ကေအဲန်ယူက ပြောပါတယ်။

ကေအဲန်ယူ ထိန်းချုပ်နယ်မြေဖြစ်တဲ့ တောင်ငူခရိုင် တပ်မဟာ ၂ နယ်မြေအတွင်းမှာ စစ်ဘေးရှောင်နေရသူဦးရေ ၁၀၀၀ ဝန်းကျင်ခန့်ရှိနေပြီး အဲ့ဒီအထဲမှာ ကရင်နီပြည်က စစ်ဘေးရှောင်တွေလည်း ပါဝင်တယ်လို့ စစ်ရှောင်အရေးကူညီပေးနေသူတွေထံကနေ သိရပါတယ်။

Public Service Announcement

Public Service Announcement

ပြီးခဲ့တဲ့ မတ်လ ၈ရက်နေ့က တောင်ငူခရိုင် ဒေါ်ဖခို(သံတောင်)မြို့နယ် ငှက်ပျောတောအုပ်စု သကွဲပလိုအထက်ရွာနဲ့ သကွဲပလိုအောက်ရွာကြားမှာ KNLA တပ်မဟာ ၂ နဲ့ စစ်ကောင်စီတပ်တို့အကြား တိုက်ပွဲဖြစ်ပွားခဲ့ပြီး ထာသေဖိုလီရွာက ခရစ်ယာန်ဘုရားရှိခိုးကျောင်းအတွင်းက ပစ္စည်းတွေကို မီးရှို့ဖျက်ဆီးခဲ့တဲ့အပြင် ရွာသားတစ်ဦးကိုလည်း သတ်ဖြတ်သွားခဲ့တာဖြစ်ပါတယ်။

ဒါ့အပြင် စစ်ကောင်စီက ရွာတွေထဲကို လက်နက်ကြီးလက်နက်ငယ်တွေနဲ့ ပစ်ခတ်ခဲ့ပြီး ရွာသားတွေကို ခြိမ်းခြောက်မှုတွေလုပ်ဆောင်ခဲ့တာကြောင့် ဒေသခံရွာသားတွေဟာ ထွက်ပြေးပုန်းရှောင်နေကြရတာဖြစ်တယ်လို့ ကေအဲန်ယူရဲ့ ထုတ်ပြန်ချက်အရ သိရပါတယ်။

ဆက်စပ်သတင်းများ

သတင်း

လားရှိူးမြို့မှ သီပေါမြို့သို့အထွက်လမ်းနှင့် သိန္နီမြို့ဘက်သို့အထွက်လမ်းများကို စစ်ကောင်စီက နံနက် ၁၁နာရီခန့်မှစတင်၍ပိတ်ဆို့လိုက်ခြင်းဟု စစ်ဘေးရှောင်များက ပြောသည်။

သတင်း

နိုင်ငံတကာအဖွဲ့အစည်းများ၊ သတင်းဌာနများအနေဖြင့်လည်း သတင်းတု၊ သတင်းမှားများအပေါ် အခြေခံ၍ မိမိတို့ အဖွဲ့အစည်းအပေါ် တစ်ဖက်သတ် အပြစ်တင်ပြောဆိုရေးသားနေကြမည့်အစား ပကတိမြေပြင်အမှန်တရားကို သိရှိနားလည်အောင် ဦးစွာပြုလုပ်သင့်သည်ဟု အကြံပြုထားသည်။

ဆောင်းပါး

ကရင်နီပြည် ကြားကာလအုပ်ချုပ်ရေးကောင်စီ (IEC) ရဲ့ တရားဝင်ပြုစုထားတဲ့ စာရင်းတွေအရ လက်ရှိ ပြည်နယ်အတွင်းက မြို့နယ် ၇ ခုမှာ စစ်ရှောင်စခန်း ၄၀၀ ကျော်ရှိနေပြီး အားလုံးနီးပါးဟာ ဒေါ်ကတ်သရင်းတို့လိုပဲ ပြဿနာကို ရင်ဆိုင်နေရတာဖြစ်ပါတယ်။

သတင်း

စစ်ကောင်စီတပ်က လက်နက်ကြီးပစ်ကူသာမက မြဝတီမြို့ပေါ်ကို လေယာဉ်ဖြင့် ကင်းထောက်ပျံဝဲခြင်း၊ လေကြောင်းမှ ဗုံးချတိုက်ခိုက်ခြင်း၊ ရဟတ်ယာဉ်ဖြင့် ပစ်ခတ်တိုက်ခိုက်ခြင်းများ ပြုလုပ်နေသည်။