ပြီးခဲ့တဲ့ နှစ် ဧပြီလ က ရန်ကင်းမြို့နယ်အတွင်း စစ်ကောင်စီ တပ်ဖွဲ့ဝင်တွေ ဖမ်းဆီးသွားတဲ့ မခင်ငြိမ်းသူအပါအဝင် ၁၀ ဦးကိုလက်နက် ဥပဒေပုဒ်မ ၁၉(က) နဲ့ အလုပ်ကြမ်းနဲ့ ထောင်ဒဏ် ၇ နှစ်စီ ဒီနေ့မှာ ချလိုက်တယ်လို့ နိုင်ငံရေးအကျဉ်းသားများအရေးလိုက်ပါဆောင်ရွက်နေတဲ့ရှေ့နေအသိုင်းအဝိုင်းထံကသိရပါတယ်။
မခင်ငြိမ်းသူတို့ကို ရန်ကင်းမြို့နယ်အတွင်း ဖမ်းမိချိန်က ဖောက်ခွဲဖျက်ဆီးပစ္စည်းတွေနဲ့အတူ ဖမ်းမိတယ်လို့ စစ်ကောင်စီရဲ့ဝါဒဖြန့်မီဒီယာက ကြေညာခဲ့ဖူးပါတယ်။
ဒါအပြင် ဖမ်းဆီးချိန်မှာရော ၊ စစ်ကြောရေးမှာပါ ရုပ်ပျက်ဆင်းပျက်ဖြစ်အောင် အကြမ်းဖက် ရိုက်နှက်တာတွေရှိခဲ့ပါတယ်။
ရိုက်နှက်ခံရလို့ မူရင်းမျက်နှာမမှတ်မိနိုင်လောက်အောင် ရုပ်ပျက်ဆင်းပျက်ဖြစ်နေတဲ့ ဖူးယောင်ဒဏ်ရာတွေရရှိထားတဲ့ မခင်ငြိမ်းသူရဲ့ ဓာတ်ပုံ နဲ့တကွ ဖမ်းဆီးတဲ့သတင်းကို စစ်ကောင်စီက ရည်ရွယ်ချက်ရှိ ရှိ ထုတ်လွှင့်ခဲ့ပါတယ်။
ဖမ်းဆီးပြီးနောက် လက်နက်ဥပဒေပုဒ်မနဲ့ တရားစွဲတင်ပြီး အင်းစိန်ထောင်မှာဖမ်းဆီးထားကာ တစ်နှစ်နီးပါးရှိလာချိန်မှာ ထောင်ချလိုက်တာပါ။
Public Service Announcement
ချုပ်ရက်ခံစားခွင့်ပေးတယ်လို့သိရပေမယ့် စွဲဆိုထားတဲ့ ပုဒ်မရဲ့အမြင့်ဆုံးချနိုင်တဲ့ ထောင်ဒဏ်ကို ချလိုက်တာလို့လည်းသိရပါတယ်။
