▪️မြန်မာပြည်သူများနှင့်အတူ မားမတ်စွာရပ်တည်ကြောင်းထုတ်ပြန်
မြန်မာ့ဒီမိုကရေစီလုပ်ငန်းစဉ်ပြန်လည်ထူထောင်ရေးကို တောင်းဆိုရင်း ၂၀၂၀ ရွေးကောက်ပွဲတွင် မဲပေးခဲ့သော မြန်မာပြည်သူများနှင့်အတူ မားမတ်စွာရပ်တည်ကြောင်း ပြင်သစ်သံရုံးက ထုတ်ပြန်သည်။
ယနေ့(ဧပြီ ၁၀ ရက်)သည် ပြင်သစ်သမ္မတရွေးကောက်ပွဲ ပထမနေ့ ဖြစ်ပြီး ရန်ကုန်မြို့ ပြင်သစ်သံရုံး၌ မဲရုံတစ်ခုဖွင့်လှစ်ထားကာ မြန်မာနိုင်ငံရှိ ပြင်သစ်နိုင်ငံသားများကို မဲပေးခွင့်ပြုမည်ဟု ဆိုသည်။
ရွေးကောက်ပွဲများသည် နိုင်ငံတစ်နိုင်ငံ၏ ဒီမိုကရေစီဘဝတွင် မရှိမဖြစ်လိုအပ်သော အခိုက်အတန့်ဖြစ်ပြီး ရွေးကောက်ပွဲများမှတစ်ဆင့် ပြင်သစ်နိုင်ငံသားများသည် ၎င်းတို့၏ဆန္ဒကို ထုတ်ဖော်ရန်နှင့် ၎င်းတို့၏ တရားဝင်ကိုယ်စားလှယ်များကို ရွေးချယ်တင်မြှောက်ရန် ဖိတ်ခေါ်ထားကြောင်း ထုတ်ပြန်သည်။
ဒီမိုကရေစီစံနှုန်းများသည် ပြည်သူ့ဘဝတွင် နိုင်ငံသားများ၏ ပါဝင်ဆောင်ရွက်မှု၊ လူ့အခွင့်အရေးနှင့် လွတ်လပ်ခွင့်များ မြှင့်တင်ရေးနှင့် လူသားဖွံ့ဖြိုးတိုးတက်ရေးတို့ကို အာမခံကြောင်း ပြင်သစ်သံရုံးက ထုတ်ပြန်သည်။