Connect with us

Hi, what are you looking for?

LuduNwayOo

News

သင်္ကြန်နှင့် နှစ်ကူးကာလ၌ မပျော်ရွှင်ဖွယ်နေ့ရက်များ ဖြတ်ကျော်နေရသည့်အပေါ် စိတ်မကောင်းဟု ဇိုမီးတပ် ထုတ်ပြန်

ZFU/PDF-Zoland က ဗမာတိုင်းရင်းသားများသို့ နှစ်သစ်ကူးနှုတ်ခွန်းဆက်စကားကို ယနေ့ ထုတ်ပြန်ခဲ့ခြင်းဖြစ်သည်။

(ZFU/PDF Zoland မှ ရဲ​ဘော်များကို ​တွေ့ရစဥ်)

▪️ခံစားနေရသည့် နာကျည်းမှုများအား ပြည်သူအချင်းချင်းကြား စည်းလုံးမှု၊ ရိုင်းပင်းမှုများဖြင့် ကျော်ဖြတ်ကြရန် တိုက်တွန်း

ယခုကျရောက်သည့် ဗမာတိုင်းရင်းသားများ၏ အတာသင်္ကြန်နှင့် နှစ်သစ်ကူးအခါသမယတွင် ယခုကဲ့သို့ မပျော်ရွှင်ဖွယ်နေ့ရက်များအား ဖြတ်ကျော်နေရသည့် အတွက် ဇိုမီးလူမျိုးများအနေဖြင့် များစွာစိတ်မကောင်းဖြစ်ရကြောင်း ဇိုးမီးဖက်ဒရယ်အစည်းအရုံး/ပြည်သူ့ကာကွယ်ရေးတပ်-ဇိုလဲန်း(ZFU/PDF Zoland) က ထုတ်ပြန်သည်။

ZFU/PDF-Zoland က ဗမာတိုင်းရင်းသားများသို့ နှစ်သစ်ကူးနှုတ်ခွန်းဆက်စကားကို ယနေ့ ထုတ်ပြန်ခဲ့ခြင်းဖြစ်သည်။

ယခုကာလသည် တိုင်းရင်းသားလူမျိုးများအားလုံး စိတ်ရောကိုယ်ပါ နွမ်းလျနာကျင်ရသည့်ကာလ ဖြစ်လင့် ကစားများမကြာမီအချိန်တွင် ပြည်ထောင်စုအတွင်းရှိ တိုင်းရင်းသားလူမျိုးများအားလုံး၏ ရည်ရွယ်ရာ အောင်မြင်မှုပန်းတိုင်သို့ ရောက်ရှိမည်ဟု မုချယုံကြည်ကြောင်း ဖော်ပြထားသည်။

ယခုခံစားနေရသည့် နာကျည်းမှုများအား ပြည်သူအချင်း ချင်းကြား စည်းလုံးမှု၊ ရိုင်းပင်းမှုများဖြင့် ကျော်ဖြတ်ကာ ပြည်သူအားလုံး (လက်ရှိတွင် ပြည်ထောင်စုကြီးအား ဖျက်စီးနေသည့် သူများပင်လျှင်) စံစားနိုင်မည့် လှပသည့် အနာဂတ်ပြည်ထောင်စုကြီးအား တိုင်းရင်းသားအားလုံးလက်တွဲညီညာစွာ တည်ဆောက်ရင်း ဆက်လက် တိုက်ပွဲဝင်ကြပါစို့ဟု ညှိုးငယ်စွာ အားပေးတိုက်တွန်းလိုကြောင်း ZFUက ထုတ်ပြန်ခဲ့သည်။

ထို့အပြင် နောင်လာမည့် ပျော်ရွှင်စရာ နှစ်သစ်ကူးများအား မျှော်လင့်ဆန္ဒပြုနေသည်ဟုလည်း ဖော်ပြထား သည်။

PDF-Zoland သည် ချင်းပြည်နယ်ရှိ တော်လှန်ရေးအင်အားစုများနှင့် လက်တွဲပြီး စစ်ကောင်စီတပ်ကို ခုခံတိုက်ခိုက်လျက်ရှိသည်။

You May Also Like

သတင်း

စစ်ကောင်စီတပ်၊ရဲနှင့်ပျူများနှင့် မကြာခဏထိတွေ့မှုဖြစ်ပွားလျက်ရှိပြီး တိုက်ပွဲသတင်းများကို လုံခြုံရေးအရ အကန့်အသတ်ဖြင့်သာ ထုတ်ပြန်သွားမည်ဟု GZ Special Task Force အဖွဲ့ကဆိုသည်။

သတင်း

ပခုက္ကူခရိုင်အမှတ်(၃) တပ်ရင်းသည် ပြည်သူ့ကာကွယ်ရေးတပ်မတော် အမှတ်(၁)စစ်ဒေသ ၊ ပခုက္ကူခရိုင်ကွပ်ကဲရေး အောက်တွင်ရာနှုန်းပြည့်တာဝန်ထမ်းဆောင်နေပြီဖြစ်​ကြောင်းလည်းအသိ​ပေးထားသည်။

သတင်း

စစ်ကောင်စီတပ်က တပ်ရင်းနှစ်ရင်းစာ ပမာဏရှိသော အင်အားဖြင့် ဝင်ရောက်တပ်စွဲထား မိုးဗြဲမြို့သည် ရှမ်းပြည်နယ်တောင်ပိုင်းနှင့် ကရင်နီ ဒေသအတွက် စစ်ရေးအရ အရေးပါသည့် ​ဒေသ တစ်ခု ဖြစ်သည်။

သတင်း

တောပုကျေးရွာသည် မုံရွာမြို့နယ်အတွင်း စစ်ကောင်စီတပ်က လက်နက်တပ်ဆင်ပေးထားသည့် ပျူအင်အားကောင်းရာ ရွာတစ်ရွာဖြစ်သည်။