●ကလေးမြို့ မြောက်ပိုင်းတွင် တိုက်ပွဲဖြစ်ပွားနေ
ကလေးမြို့မြောက်ပိုင်းတွင်စစ်ရေးတင်းမာလာမူကြောင့် ကလေးမြို့ တာဟန်မှလက်ပံချောင်းလမ်းမကြီးကို ပြည်သူများဖြတ်သန်းသွားလာအသုံးပြုပါကသတိပြုကြရန် PဇိုမီးPDF(ကလေး)က ယနေ့ထုတ်ပြန်လိုက်သည်။
ကလေးမြို့နယ်၊ မြောက်ပိုင်းတွင် အမှတ် ၈ တပ်ရင်း၊ Zomi PDFက အကြမ်းဖက်စစ်ကောင်စီတပ်ကို ယနေ့ (ဧပြီ ၁၃ရက်) မနက်ပိုင်းတွင် ဝင်ရောက်တိုက်ခိုက်နေခြင်းဖြစ်သည်ဟုလည်း ထုတ်ပြန်ထားသည်။
“ကလေးမြို့နယ် မြောက်ပိုင်းမှာ အမှတ်(၈)တပ်ရင်းZomi PDF၊ ရဲဘော်များ ပွဲကနေကြပါပြီ သတိရဆုတောင်းပေးကြပါဗျ”ဟု PDF (ဇိုမီး) က ယနေ့မနက်ပိုင်းတွင် ထုတ်ပြန်ထားသည်။
Public Service Announcement
လက်ရှိအချိန်တွင် အင်တာနက်နှင့်ဖုန်းလိုင်းအချို့ပြတ်တောက်နေကြောင်း ဒေသခံတစ်ဦးကပြောသည်။
“အာ့ဘက်မှာ လမ်းတော့ ခဏပိတ်ထားတယ်ပြောတယ်။ အင်တာနက်ကော၊ဖုန်းလိုင်းကော မရတော့ အသေးစိပ်မသိသေး”ဟု ကလေးမြို့ခံတစ်ဦးကပြောသည်။
ထိုအတူ ရိန်းဂျားကလေးမြို့ပြည်သူ့ကာကွယ်ရေးတပ်(RKDF)ကလည်း ကလေးမြို့နယ်တွင် ယခုရက်ပိုင်းတွင် တိုက်ပွဲများ အချိန်မရွေး၊ နေရာမရွေးဖြစ်ပွားနေသောကြောင့် ပြည်သူများအနေဖြင့် အသွားအလာဂရုစိုက်ကြပါရန် မေတ္တာရပ်ခံထားသည်။
ထိုပြင်ဧပြီလ(၁၂)ရက်၊ ညနေ(၆)နာရီခန့်က ကလေးမြို့နယ်တောင်ပိုင်း၊ နတ်ချောင်းကျေးရွာတွင် ဒေသခံပြည်သူလူထုနေအိမ်များကို မီးရှို့ဖျက်ဆီးပြီး ကျေးရွာအတွင်း တပ်စွဲထားသည့် စစ်ကောင်စီတပ်၏ ခြေလျင်စစ်ကြောင်းကို နတ်ချောင်းရွာစာသင်ကျောင်းအနီးတွင် RKDF ၊ PDF Kalay ၊ နခ(သူရိန်)ပူးပေါင်းတပ်ဖွဲ့များမှ အနီးကပ်ပစ်ခတ်တိုက်ခိုက်ခဲ့သေးသည်။
တာဟန်း သပိတ်ဖြိုခွဲခံရသည့်တနှစ်ပြည့် ဧပြီ၇ ရက်ကစတင်ပြီး ကလေးဒေသအတွင်း အကြမ်းဖက်စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်တို့ကြား တိုက်ပွဲများ ပြင်းထန်နေသည်။
အကြမ်းဖက်စစ်ကောင်စီက ကလေးမြို့တာဟန်းသပိတ်ကို ၂၀၂၁ ဧပြီ ၇ရက်တွင် လက်နက်ကြီး၊ လက်နက်ငယ်များဖြင့် အကြမ်းဖက်ဖြိုခွင်းခဲ့ပြီး ဆန္ဒပြနေသောပြည်သူ၅ဦးထက်မနည်းကို သတ်ဖြတ်ခဲ့ခြင်းဖြစ်သည်။
