ကရင်နီ(ကယား)ပြည်နယ် ဒီးမော့ဆိုမြို့နယ်အတွင်း အရေးယူဆောင်ရွက်သွားမည့် ပြစ်မှုသတ်မှတ်ချက်များကို ပြည်သူ့ကာကွယ်ရေးတပ်-DMO Local PDF က ယနေ့(ဧပြီ ၁၆ ရက်)တွင် ထုတ်ပြန်သည်။
ပြင်းထန်စွာအရေးယူမည့် ပြစ်မှုများအရ မူးယစ်ဆေးဝါးများ လက်ဝယ်ထားရှိခြင်း၊သုံးစွဲခြင်း၊ရောင်းဝယ်ဖောက် ကားခြင်းနှင့် သယ်ဆောင်ခြင်းများ လုံးဝမပြုလုပ်ရန် ပါဝင်သည်။
အလားတူ မသက်ာမှုဖြင့် တိုင်ကြားခံရပါက သက်ဆိုင် ရာတာဝန်ရှိသူများ၏ တာဝန်အရ စစ်ဆေးမေးမြန်းခြင်းကို ကြည်ဖြူစွာလက်ခံရမည်ဟု ဆိုသည်။
ထို့အပြင် အများပြည်သူပိုင် မော်တော်ယာဥ်များအပြင် အခြား မည်သည့်ပစ္စည်းဥစ္စာကိုမဆို ခိုးယူသိုဝှက်ခြင်း လုံးဝမပြုလုပ်ရန်နှင့် သက်ဆိုင်ရာ၏ ရှောင်တခင်စစ်ဆေးမှုများရှိလာပါကလည်း စစ်ဆေးခြင်းကို ကြည်ဖြူစွာလက်ခံပေးရန် သတိပေးသည်။
Public Service Announcement
“မူးယစ်ဆေးဝါး ကိစ္စကတော့ နဂိုကတည်းက ကျွန်တော်တို့ ဖိဖိစီးစီးနဲ့ ဖမ်းဆီးနေတယ်။အခုထပ်ပြီးဖြည့်စွက်တာတွေကတော့ မဖြစ်မနေလိုအပ်လို့ပါ”ဟု DMO Local PDF မှ တာဝန်ရှိသူတစ်ဦးက People’s Springသို့ ပြောသည်။
ထို့အပြင် အခြားသောအဖွဲ့အစည်းများနှင့် ပူးပေါင်း ၍လည်း မူးယစ်ဆေးဝါးများအပြင် အခြားသော ပြစ်မှု ကျူးလွန်ခြင်းများကို ထင်ရှားစွာစစ်ဆေးနိုင်ရန် ဆောင် ရွက်သွားမည်ဟု အသိပေးသည်။
အာဏာသိမ်းအကြမ်းဖက်စစ်ကောင်စီက အင်အားအလုံးအရင်းဖြင့် ထိုးစစ်ဆင်တိုက်ခိုက်နေသောကြောင့် ကရင်နီ(ကယား)ပြည်နယ်တွင် နေအိမ်စွန့်ခွာ၍ ထွက် ပြေးနေရသူ တစ်သိန်းခွဲကျော်တွင် ထက်ဝက်ခန့်မှာ ဒီးမော့ဆိုမြို့နယ်မှ ဖြစ်သည်။
