ကော့​သောင်း၊ ရတနာပုံရွာတိုက်ပွဲ စစ်​ကောင်စီတပ် ၃ ဦး​သေ ၅ဦး​ပျောက်၊ လက်နက်ခဲယမ်းများရရှိ

ကော့သောင်းခရိုင်၊ ပြည်ကြီးမဏ္ဍိုင်မြို့နယ် ရတနာပုံကျေးရွာတိုက်ပွဲတွင် စစ်ကောင်စီတပ်မှ သုံးဦးသေဆုံးပြီး လက်နက်ခဲယမ်းများ သိမ်း ဆည်းရမိကြောင်း တနင်္သာရီဲစစ်ဒေသခွဲ-ကွပ်ကဲရေးအဖွဲ့က ယနေ့(ဧပြီ ၂၅ ရက်)ညတွင် ထုတ်ပြန်သည်။

ဧပြီ ၂၃ ရက်၊ ညနေ ၅ နာရီခွဲခန့်က ပြည်သူ့ကာကွယ်ရေးပူးပေါင်းတပ်ရောက် ရှိနေသည့် ရတနာပုံကျေးရွာတောတွင်းနေရာတစ်ခုသို့ အကြမ်းဖက်စစ်ကောင်စီတပ်က လက် နက်ကြီး၊ လက်နက်ငယ်များဖြင့် စတင်ပစ်ခတ်ခဲ့သည်။

ထို့နောက် မိနစ် ၃၀ အကြာတွင် ပြည်သူ့ကာကွယ် ရေးပူးပေါင်းတပ်ဖွဲ့ရဲဘော်များက ပြန် လည်တိုက်ခိုက်ခဲ့ရာ အကြမ်းဖက်စစ်တပ်ဘက်မှ ၃ ဦး သေဆုံး၊ ၅ ဦးပျောက်ဆုံးပြီး လက် နက်ကြီး၊ လက်နက်ငယ်များနှင့် ခဲယမ်းများ သိမ်း ဆည်းနိုင်ခဲ့ခြင်းဖြစ်ကြောင်း ထုတ်ပြန်ချက်၌ဖော်ပြသည်။

တိုက်ပွဲကို ကော့သောင်းခရိုင်ပြည်သူကာကွယ်ရေးတပ်မတော်(PDF) နှင့် ပြည်သူ့ကာကွယ်ရေးအဖွဲ့တို့ ပူးပေါင်းစစ်ကြောင်းက ဆင်နွှဲခဲ့ခြင်းဖြစ်ပြီး တိုက်ပွဲမှာ ၂ နာရီ ကြာမြင့်ခဲ့ပြီး အောင်မြင်စွာခွာစစ်ဆင်နိုင်ခဲ့သည်ဟု အသိပေးသည်“တရား​သောစစ်​သာ ​အောင်မြင်ကြပါစေ။ ကော့သောင်းအဖွဲ့ရဲ့ ပထမဦးဆုံးတိုက်ပွဲဖြစ်လို့ ဒေသခံPDFတွေ ဘေးကင်းကြပါစေ” ဟု ဒေသခံတစ်ဦးကပြောသည်။

Public Service Announcement

ဧပြီ ၁၈ ရက်ကစ၍ တနင်္သာရီတိုင်း အတွင်း စစ်ကြောင်းလေးခုဖြင့် စစ်ထိုးရန်နှင့် ရွာသူ၊ရွာသားများကို လိုအပ်ပါက အကြမ်းဖက်ရှင်းလင်းရန် စစ်ကောင်စီ ညွှန်ကြားစာထွက်ရှိ ပြီး နောက်ပိုင်း ထိတွေ့တိုက်ပွဲများ မကြာခဏ ရှိလာသည်။သို့​သော် အဆိုပါ ညွန်ကြားစာမှာ အတုဖြစ်​ကြောင်း​ပြောကြားမှု များဖြစ်​သော်လည်း စာအစစ်လား ၊အတုလားဆိုသည် ကို People’s Spring ကအတည်မပြုနိုင်ပါ။

ဧပြီ ၂၃ ရက် နှင့် ၂၄ ရက်နေ့က ပုလော နှင့် ထားဝယ်ဒေသတွင် စစ်ကောင်စီယာဥ်တန်း နှင့် နယ်မြရဲစခန်းတစ်ခုကို ပြည်သူ့ကာကွယ်ရေး တပ်ဖွဲ့များက မိုင်းဆွဲတိုက်ခိုက်စီးနင်းပြီး မီးရှို့ဖျက်ဆီးခဲ့သည်။