မကွေးတိုင်း ဂန့်ဂေါမြို့ စည်ပင်ရပ်ကွက် ဘုရားသုံးဆူကုန်းဆင်းနားတဝိုက်တွင် ကင်းပုန်းချ ထားသော အကြမ်ဖက်စစ်ကောင်စီ၏ တပ်သားများကို ယမန်နေ့က တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်မှုရှိခဲ့သည်ဟု ယောဒေသကာကွယ်ရေးတပ်(YDF)က ထုတ်ပြန်သည်။
ဧပြီ ၂၆ ရက် ည ၉နာရီခန့်တွင် YDF၏ တပ်ရင်း(၅)တပ်ခွဲ – ၄မှ ရဲဘော်များက လျှပ်တပြတ်ဝင်ရောက် တိုက်ခိုက်ခဲ့ခြင်းဖြစ်သည်ဟု ဆိုသည်။
အပြန်အလှန်ပစ်ခတ်မှု ၈မိနစ်ခန့် ကြာမြင့်ခဲ့ပြီး ကင်းပုန်းဝပ်နေသည့် အကြမ်းဖက်စစ်ကောင်စီသား နှစ်ဦးသေဆုံးပြီး၊ တစ်ဦးဒဏ်ရာရရှိသွားကြောင်း၊ YDF ရဲဘော်များ ထိခိုက်မှုမရှိကြောင်း ထုတ်ပြန်သည်။
