မိုင်းမတော်တဆမှုကြောင့် ယမန်နေ့ညပိုင်းတွင် မင်းတပ် ချင်းကာကွယ်ရေးတပ်(CDF) ရဲဘော်တစ်ဦးကျဆုံးသွားကြောင်း မင်းတပ် CDFက ထုတ်ပြန်သည်။
ယမန်နေ့ (မေလ ၄ရက်)ညနေပိုင်းက မတူပီ -မင်းတပ်လမ်း၌ စစ်ကောင်စီတပ်နှင့် တိုက်ပွဲဖြစ်ပွားပြီး ပြန်လည်ဆုတ်ခွာချိန်၌ CDF ရဲဘော် ကျဆုံးခဲ့ခြင်းဖြစ်သည်ဟု ဆိုသည်။
မတူပီမှ ပြန်လာသည့် စစ်ကောင်စီယာဉ်တန်းကို မင်းတပ် CDFက ဧပြီ ၃၀ရက်မှစ၍ ကြားဖြတ်တိုက်ခိုက်မှုများ လုပ်ဆောင်လျက်ရှိရာ ယခုတိုက်ပွဲကာလအတွင်း CDF ရဲဘော်တစ်ဦး ပထမဆုံးအကြိမ်ကျဆုံးခြင်းလည်းဖြစ်သည်ဟု မင်းတပ် CDF ပြောရေးဆိုခွင့်ရှိသူ ဆလိုင်းဟာအွမ်က ပြောသည်။
စစ်ကောင်စီတပ်များသည် မတူပီ – မင်းတပ်လမ်း မိုင်တိုင် ၄၅မိုင်ဝန်းကျင်သို့ ရောက်ရှိနေပြီး ရှေ့ဆက်တိုးလာပါက တိုက်ပွဲများဆက်ဖြစ်နိုင်ကြောင်း ၎င်းက ဆိုသည်။
Public Service Announcement
ဧပြီ ၃၀ရက်မှ မေလ ၄ရက်အတွင်း စစ်ကောင်စီတပ်ကို မင်းတပ် CDFက ကြားဖြတ်တိုက်ခိုက်မှုများ လုပ်ဆောင်ခဲ့ရာ စစ်ကောင်စီတပ်ဖွဲ့ဝင် ၁၄ဦးထက်မနည်းသေဆုံးခဲ့ကြောင်း မင်းတပ် CDFက ထုတ်ပြန်ထားသည်။
