ကောလင်းမြို့နယ်သ အင်းတော်ရဲစခန်းမှ ရဲသုံးယောက် လက်နက်ခဲယမ်းအပြည့်အစုံဖြင့် CDM ပြုလုပ်ပြီး ပြည်သူ့ရင်ခွင်ခိုလှုံခဲ့သည်။
ကောလင်းမြို့နယ် ပြည်သူ့ကာကွယ်ရေး တပ်ရင်း(၁)ထံဧပြီလ ၃၀ ရက် ညနေ ၅ နာရီတွင်အဆိုပါရဲသုံးဦးသည်လာရောက်၍ CDM ပြုလုပ်သဖြင့် ကောလင်းမြို့နယ် ပြည်သူ့အုပ်ချုပ်ရေးအဖွဲ့ (ပအဖ) ၊ မြို့နယ် ပြည်သူ့ကာကွယ်ရေးအဖွဲ့(ပကဖ)၊ ပြည်သူ့လုံခြုံရေးအဖွဲ့(ပလဖ)တို့က ကြိုဆိုလက်ခံခဲ့ကြောင်း ပြည်သူ့အုပ်ချုပ်ရေးအဖွဲ့နှင့်နီးစပ်သောသတင်းရင်းမြစ်တစ်ဦးက People’s Springသို့ပြောသည်။
ပြည်သူနှင့်ပူးပေါင်းလာသောရဲသုံးဦးတွင် ရဲအုပ်တစ်ဦးလည်းပါဝင်သည်။သေနတ်သုံးလက်နှင့်အတူ ကျည်ဆံများ ၊လက်ထိပ်များ၊ဝေါ်ကီတော်ကီ ၊ဗုံးသီးများစသော ရဲအသုံးအဆောင်ပစ္စည်းအစုံအလင်ယူဆောင်လာခဲ့သည်ကိုလည်း သတင်းဓါတ်ပုံတွင်တွေ့ရသည်။
ရဲအရာရှိအပါအဝင် ရဲသုံးဦးက ဂျီသရီး ၂ လက်၊အူဇီ ၁ လက်၊လက်ပစ်ဗုံးလေးလုံး၊ကျည် အတောင့် တစ်ထောင်ကျော်ဖြင့် CDMပြုလုပ်လာခြင်းဖြစ်သည်။ယခုအခါ ၎င်းတို့သုံးဦးစလုံးလွတ်မြောက်နယ်မြေသို့ရောက်ရှိပြီဖြစ်သည်။
Public Service Announcement
“ပြည်သူ့ကာကွယ်ရေး အုပ်ချုပ်ရေး အဖွဲ့တွေ အတွက်လိုအပ်ရင်တရားခံဖမ်းဖို့ လက်ထိပ်တွေပါယူလာတာဗျအတော်ထောင့်စေ့အောင်စဉ်းစားလာတဲ့ ရဲCDMတွေ”ဟုအင်းတော်ရှိပြည်သူတစ်ဦးကပြောသည်။
အကြမ်းဖက်စစ်ကောင်စီကို စွန့်ခွာ၍ ပြည်သူနှင့်ပူးပေါင်းလာသောတပ်မတော်သားနှင့်ရဲ တစ်သောင်းခွဲကျော်ရှိနေပြီဖြစ်ကြောင်းအမျိုးသားညီညွတ်ရေးအစိုးရ(NUG)၏ထုတ်ပြန်ထားသည်။
