●စစ်တပ်က အထိနာ၍ လေကြောင်းပစ်ကူလာသဖြင့်PDF များပြန်ဆုတ်
စစ်ကိုင်းတိုင်း၊ ကနီမြို့နယ်ရှိ စစ်ကောင်စီတပ်နှင့် ပျူစောထီးများ အခြေစိုက်ထားသည့် အလယ်ကျွန်းရွာအတွင်းအထိ ဒေသခံပြည်သူ့ကာကွယ်ရေးတပ်ဖွဲ့များကပြည်သူ့ဝင်ရောက်စီးနင်းနိုင်ခဲ့သော်လည်း အကြမ်းဖက်စစ်ကောင်စီတပ်မှ လေယာဥ်ရောက်လာပြီးပစ်ကူပေးခဲ့သဖြင့် ပြန်လည်ဆုတ်ခွာခဲ့ကြောင်းKLG PDF တာဝန်ရှိသူက လူထုနွေဦးသို့ ပြောသည်။
ယနေ့(မေ ၁၀ ရက်)နံနက် ၈ နာရီခန့်ကစ၍ အင်အား ၅၀ ခန့်ရှိ စစ်ကောင်စီ နှင့် ပျူစောထီး များရှိသောအလယ်ကျွန်း(ခ)ရေလယ်ကျွန်းရွာ ကို မဟာမိတ်တပ်ပေါင်းစုက စတင်တိုက်ခိုက်ခဲ့ခြင်း ဖြစ်သည်။
“ရွာထဲ ထိကို ဝင်ပြီးပြီ။ပျူစောထီးတွေနေရာ သုံးခုလောက်ကိုလည်း မီးရှို့ နိုင်ခဲ့တယ်။မျက် မြင်အရ သေတဲ့သူ လေးဦးလောက်ကို အတည်ပြုနိုင်တယ်”ဟု အထက်ပါတာဝန်ရှိသူက ပြောသည်။
Public Service Announcement
အထိနာနေသော စစ်အုပ်စုသည် Mi 35 လေယာဥ်တစ်စီးဖြင့် ယနေ့ နေ့လယ် ၁၂ နာရီဝန်းကျင်တွင်စစ်ကူလာပြီး နာရီဝက်ကြာ ပစ်ခတ်မှုများပြုလုပ်ခဲ့သဖြင့်မဟာမိတ်တပ်ပေါင်စု၏ DPRA မှ ရဲဘော်နှစ်ဦး ခြေမျက်စိကျည်ထိဒဏ်ရာ ရရှိခဲ့သည်။
“လေယာဥ်လာတော့ ကျွန်တော်တို့လည်း တောင့်မခံနိုင်ဘူး။ချက်ချင်းပြန်ဆုတ်ခဲ့ရတာ။ထိခိုက်တာတော့ ကြီးကြီးမားမား မရှိပါဘူး”ဟု ကနီ အခြေစိုက် ပြည်သူ့ကာကွယ်ရေးတပ်ဖွဲ့ဝင်တစ်ဦးက ရှင်းပြသည်။
မေလ ၈ ရက်နေ့ကပင် ရေလယ်ကျွန်း ကျေး ရွာသို့ ကင်းချိန်းရန် လာသည့် စစ်ကောင်စီတပ်သားများကိုလည်း စောင့်ကြိုတိုက်ခိုက်ရာ ငါးဦးသေဆုံးကြောင်း KLG PDF က ထုတ်ပြန်ထားသည်။
