ကရင်နီပြည်နယ် ဘောလခဲမြို့မှ ထွက်ခွာလာသော အကြမ်းဖက်စစ်ကောင်စီတပ်၏ယာဉ်တန်းကို မေလ ၇ ရက်ကဖရူဆိုမြို့နယ် လောကျေခူ ကျေးရွာအရောက်တွင် KNDF တပ်ရင်းနှစ်ရင်းနှင့်KA တို့ကပူးပေါင်းတိုက်ခိုက်ပြီး စစ်ကူလာသောစစ်ကောင်စီတပ်ကိုပါထပ်မံတိုက်ခိုက်ရာ အနည်းဆုံးစစ်သား ၂၅ ဦးသေဆုံးပြီး ၂ ဦးကို အရှင်ဖမ်းဆီးနိုင်ခဲကြောင်း ကထုတ်ပြန်ထားသည်။
မေလ ၇ ရက်နံနက် ၈ နာရီခွဲတွင် စစ်ကောင်စီတပ်၏ စစ်ကား အစီး ၂၀ ကျော်ပါယာဥ်တန်းကို KNDFB-04၊ KNDF B-15 နှင့် KA တို့ကပူးပေါင်း၍ ကြားဖြတ်တိုက်ခိုက်ခဲ့ရာ နှစ်နာရီကြာမြင်ခဲ့သည်။တိုက်ပွဲအတွင်း စစ်ယာဉ်တန်းမှ ကားလေးစီး မီးရှို့ဖျက်စီးနိုင်ခဲ့ပြီး ၎င်းကားလေးစီးပေါ်ပါလာတဲ့ စစ်သား ၁၅ ဦးစလုံးသေဆုံးသွားသည်ကိုအတည်ပြုရခဲ့ကြောင်းဖော်ပြထားသည်။
ထိုတိုက်ပွဲအတွင်း ပူးပေါင်းတပ်ဖက်မှ KNDF-B04 မှ ရဲဘော်တစ်ဦးဒဏ်ရာ (မစိုးရိမ်ရ) ရရှိခဲ့သည်။
မေ ၇ ရက်နံနက်တွင်စစ်ကောင်စီစီ ယာဥ်တန်းအတိုက်ခံရပြီးအထိနာနေသဖြင့် နေ့ခင်းပိုင်း ၁၁နာရီ ၁၀ မီနစ်ချိန်တွင် တိုက်ပွဲဖြစ်ပွားရာနေရာသို့ စစ်ကူရန် အကြမ်းဖက်စစ်တပ်မှ ထပ်မံရောက်ရှိလာရာ ပူးပေါင်းတပ်နှင့်ထပ်မံတိုက်ပွဲဖြစ်ပွားခဲ့ရာ အကြမ်းဖက်စစ်ကောင်စီတပ်သား ၁၀ ဦးထက်မနည်းသေဆုံးသည်ကို အတည်ပြုနိုင်ခဲ့ပြီး၂ ဦးကို အရှင်ဖမ်းမိခဲ့ကြောင်းလည်းထုတ်ပြန်ထားသည်။
Public Service Announcement
အဆိုပါတိုက်ပွဲမှ သိမ်းဆည်းရမိသော လက်နက်ခဲယမ်းများနှင့် စစ်ဘက်အသုံးအဆောင်များကို KNDF B-16 က ယနေ့ (မေလ ၁၂ )ရက်တွင်ထပ်မံ ထုတ်ပြန်လိုက်သည်။
“မိမိတို့ KNDF B- 16 နှင့် KA တို့ပူးပေါင်းပြီးစကစယာဥ်တန်းကို(မေ ၇)ထပ်မံမိုင်းဆွဲတိုက်ခိုက်ခဲ့ပါတယ်။ စကစဖက်မှကားသုံးစီးပျက်စီးသွားပြီးအကျအဆုံးရှိပါတယ် ပျက်စီးသွားကားကိုမိမိတို့ပူးပေါင်းတပ်မှမီးရှို့ဖျက်စီးလိုက်ပါတယ်။ စကစမှလာလှူသွားသောပစ္စည်းတစ်ချို့ကိုလည်းရရှိခဲ့ပါတယ်”ဟု KNDF B-16 ကထုတ်ပြန်သည်။ ထိုတိုက်ပွဲတွင် KNDF နှင့် KA တပ်တို့မှ ထိ့ခိုက်မှုမရှိဟုလည်းပါရှိသည်။
စစ်ကောင်စီတပ်မှသေဆုံးဒဏ်ရာရရှိသူများနှင့် သိမ်းဆည်းရမိသောလက်နက်ခဲယမ်းများကိုလည်း ရုပ်သံဖိုင်နှင့် သတင်းဓါတ်ပုံများကိုKNDF ကထုတ်ပြန်သောရုပ်သံမှတ်တမ်းတွင်တွေ့ရသည်။
မေ ၇ ရက်နံနက်ပိုင်းတိုက်ပွဲတွင် အကြမ်းဖက်စစစ်ကောင်စီ ဘက်မှ လက်နက်ခဲယမ်းအချို့ သိမ်းဆီးရမိခဲ့ကြောင်းလည်းထုတ်ပြန်ရာ စက်လက်တစ်လက် ၊RPG ၁လက် ၊ ပစ္စတိုတစ်လက်အပါအဝင် သေနတ် ၁၁ လက်၊ ဗုံးသီးများ၊ခဲယမ်းမျိုးစုံနှင့်စစ်ဘက်အသုံးအဆောင်များသိမ်းဆည်းနိုင်ခဲ့သည်ကို တွေ့ရသည်။
