PDF ကို ထောက်ပံ့တယ်ဆိုတဲ့စွပ်စွဲချက်နဲ့ ဖမ်းဆီးခံထားရတဲ့ ပြင်ဦးလွင်က မေမြို့အိမ်ဆိုင်ပိုင်ရှင် မပိုပြည့်သူကို စစ်ကောင်စီက ပြီးခဲ့တဲ့ ရက်ပိုင်းက ထောင်ဒဏ် ၁၅ နှစ်ချလိုက်တယ်လို့ သိရပါတယ်။
မေမြို့အိမ်စားသောက်ဆိုင်ဟာ ပြင်ဦးလွင် မြို့အဝင်မှာရှိကာလူသိများပါတယ်။ ဆိုင်ပိုင်ရှင် အသက် ၃၅ နှစ်အရွယ် မပိုပြည့်သူဟာ NLD ပါတီကို ထောက်ခံသူဖြစ်တဲ့အပြင် ပရဟိတလုပ်ကိုင်သူအမျိုးသမီးတစ်ဦးလည်းဖြစ်ပါတယ်။
ပြီးခဲ့တဲ့ နှစ် အောက်တိုဘာလအတွင်းမှာ မပိုပြည့်သူကို နောင်ချိုကနေအိမ်မှာ စစ်ကောင်စီက ဖမ်းဆီးခဲ့ပြီး နိုင်ငံမတည်မငြိမ်ဖြစ်အောင်လှုံ့ဆော်မှု ၊မတရားအသင်းဆက်သွယ်မှု ၊ အကြမ်းဖက်ပုဒ်မတွေနဲ့ တပ်ပြီးတရားစွဲခဲ့ပါတယ်။
ပြီးခဲ့တဲ့ရက်ပိုင်းကတော့ မတည်မငြိမ်ဖြစ်အောင်လှုံ့ဆော်မှုအတွက် ထောင်ဒဏ် ၃ နှစ် ၊ မတရားအသင်း အမှုအတွက် ထောင်ဒဏ ၂ နှစ် ၊အကြမ်းဖက်ပုဒ်မ အမှု ၂ မှုအတွက် ထောင်ဒဏ် ၁၀ နှစ် အသီသီးချလိုက်တာဖြစ်ပါတယ်။
Public Service Announcement
ဒီလိုထောင်ဒဏ် ၁၅နှစ်ချထားပေမယ့် မပိုပည့်သူကို ဆက်လက်တရားစွဲထားတဲ့ပုဒ်မရှိသေးတယ်လို့ နိုင်ငံရေးအကျဉ်းသားအမှုတွေကိုလိုက်ပါဆောင်ရွက်ပေးနေတဲ့ မန္တလေးရှေ့နေအသိုင်းအဝိုင်းဆီက သိရပါတယ်။
မပိုပြည့်သူရဲ့ မေမြို့အိမ်စားသောက်ဆိုင်ကိုလည်း စစ်အုပ်စုက ချိတ်ပိတ်ထားပါတယ်။
