စစ်ကြောင်းထိုးလာသော စစ်ကောင်စီတပ်ဖွဲ့ဝင် ၃ ဦးကိုစနိုက်ပါဖြင့် ပစ်ခတ်နိုင်ခဲ့ပြီး လေးရက်တာ ထိတွေ့တိုက်ပွဲအတွင်း စစ်ကောင်စီတပ်ဖွဲ့ဝင်များ သေဆုံးခဲ့ကြောင်း MG 6 ပြောက်ကျားတပ်က ယနေ့သတင်းထုတ်ပြန်သည်။
မကွေးတိုင်း၊ ရေစကြိုမြို့နယ် ရေလည်ကျွန်းဒေသသို့ အင်အား ၁၀၀ ခန့်ဖြင့် စစ်ကြောင်းထိုးလာ သော အကြမ်းဖက်စစ်ကောင်စီတပ်ဖွဲ့ဝင်များနှင့် MG 6 ပြောက်ကျားတပ်(မြင်းခြံခရိုင် အမှတ် ၅ တပ်ရင်း)၊ ဒေသခံကာကွယ်ရေးတပ်တို့အကြား မေ ၁၀ မှ ၁၄ ရက်အထိ ထိတွေ့တိုက်ပွဲဖြစ်ပွားခဲ့ ပြီး စစ်ကောင်စီဘက်မှ အကျအဆုံးများခဲ့ကြောင်း MG 6 ပြောက်ကျားတပ်က ဆိုသည်။
စစ်ကြောင်းထိုးလာသောစစ်ကြောင်းမှ စစ်သားသုံးဦးကိုစနိုက်ပါဖြင့်ပစ်ခတ်ချေမှုန်းခဲ့ပြီး ထိပ်တိုက် တွေ့ဆုံတိုက်ပွဲဖြစ်ရာတွင်လည်းစစ်ကောင်စီတပ်မှသေဆုံးထိ့ခိုက်မှုရှိခဲ့ကြောင်းလည်းထုတ်ပြန်ချက်တွင်ဖော်ပြထားသည်။ စစ်ကောင်စီတပ်မှသေဆုံး ဒဏ်ရာရရှိမှုနှင့်ပတ်သပ်၍ People’s Spring ကသီးခြားအတည်မပြုနိုင်ပါ။
ယင်း လေးရက်တာ တိုက်ပွဲအတွင်း ပြည်သူ့ကာကွယ်ရေးတပ်မှ G3 သေနတ် ၁ လက်၊ 94 သေနတ် ၂ လက် အပါအဝင် လက်နက်ခဲယမ်းများကို သိမ်းဆည်းရရှိခဲ့ကြောင်း ထုတ်ပြန်ချက်၌ ဖော်ပြ သည်။
အဆိုပါတိုက်ပွဲသတင်းထုတ်ပြန်ခြင်းနှင့်အတူ တိုက်ပွဲအတွင်း အသုံးပြုရန် လိုအပ်သော လက်နက် ခဲယမ်းများကို ပြည်သူလူထုက တတ်အားသရွေ့ ကူညီထောက်ပံ့ကြရန်လည်း MG 6 ပြောက် ကျားတပ်က မေတ္တာရပ်ခံသည်။
မြင်းခြံခရိုင် အမှတ် ၅ တပ်ရင်းသည် RPG ဝယ်ယူရန်ကြိုးစားနေပြီး ယင်းအတွက် ပါဝင်အားဖြည့်ကြရန်လည်း မေတ္တာရပ်ခံထားသည်။