မကွေးတိုင်း၊ ရေစကြိုမြို့တွင် လျှပ်စစ်မီတာခများ အဓမ္မကောက်ခံခြင်းမပြုရန် EPC ရုံးအား ဗုံးဖောက်ခွဲသတိပေးခဲ့ကြောင်း ပြည်သူကာကွယ်ရေးတပ်ဖွဲ့-ရေစကြိုက ပြောသည်။
ယနေ့ (မေလ ၂၄ )ရက် ညနေ ၄နာရီ ၄၀မိနစ်ခန့်က ရေစကြိုမြို့အတွင်းရှိ မြို့နယ်လျှပ်စစ်မန်နေဂျာရုံးအား ဗုံးဖောက်ခွဲ တိုက်ခိုက်ခဲ့ကြောင်း ပြည်သူကာကွယ်ရေးတပ်ဖွဲ့-ရေစကြိုက ပြောသည်။
အကြမ်းဖက် စစ်ကောင်စီအလိုကျ တာဝန်ထမ်းဆောင်နေပြီး ပြည်သူလူထုအား မီတာခများအတင်းအဓမ္မ ကောက်ခံခြင်းမပြုရန်နှင့် စစ်ကောင်စီအလိုကျ လုပ်ဆောင်ခြင်းမပြုရန် အဆိုပါရုံးရှိ လျှပ်စစ်ရုံးဝန်ထမ်းများအားပြင်းပြင်းထန်ထန်သတိပေးလိုက်ကြောင်း PDF ရေစကြိုက ပြောသည်။
ဗုံးပေါက်ကွဲမှုကြောင့် လူထိခိုက်မှုအခြေအနေ မသိရသေးကြောင်း မြို့ခံတို့က ပြောသည်။အဆိုပါ ဗုံးပေါက်ကွဲမှုဖြစ်ပွားပြီးနောက် မြို့နယ်ထွေအုပ်ရုံးရှိ အကြမ်းဖက်စစ်ကောင်စီတပ်များက သေနတ်များ မိုးပေါ်ထောင် ပစ်ဖောက်ခြင်းများပြုလုပ်ခဲ့ကြောင်း ဒေသခံများက ပြောသည်။
ယမန်နေ့ (မေလ ၂၃ ရက်)က ရေစကြိုမြို့နယ် မြေတော်ရဲစခန်းမှ ဈေးဝယ်ထွက်လာသည့်
ရဲတပ်ဖွဲ့ဝင် ၇ ဦးအား YSO.ISA (ရေလယ်ကျွန်းဒေသပြောက်ကျားတပ်ဖွဲ့)နှင့် မဟာမိတ်များက တိုက်ခိုက်ခဲ့ရာရဲတပ်ဖွဲ့ဝင် သုံးဦးသေ၍ G3- နှစ်လက်၊G3ကျဉ် ၃၅တောင့်၊လက်ပစ်ဗုံး တစ်လုံး၊ဖုန်း နှစ် လုံး၊ငွေကျပ် သုံးသောင်းကျော်တို့ သိမ်းဆည်း ရရှိခဲ့ကြောင်း YSO-ISA က သတင်းထုတ်ပြန်ခဲ့သည်။
Public Service Announcement
