Connect with us

Hi, what are you looking for?

News

အစုလိုက်အပြုံလိုက် သတ်ဖြတ်မှုကျူးလွန်သူများကို ကြီးလေးသောပြစ်ဒဏ်ချမှတ်နိုင်ရေး အင်တိုက်အားတိုက်လုပ်ဆောင်မည်

နိုင်ငံတကာအနေနှင့် ကြီးမားသည့် ရာဇဝတ်မှုအနေဖြင့် သတ်မှတ်ထားပြီး မကြာသေးမီကာလအတွင်းက မြန်မာနိုင်ငံရှိ အကြမ်းဖက်စစ်ကောင်စီခေါင်းဆောင်များကို အစုလိုက် အပြုံလိုက်သတ်ဖြတ်မှုများ၏ တရားခံများအဖြစ် သတ်မှတ်ထားပြီးဖြစ်ကြောင်း အသိ ပေးသည်။

●စစ်အုပ်စုကအာဏာသိမ်းပြီး​နောက် ၁၁ ​နေရာတွင် ပြည်သူ ၁၇၀ ဦးခန့်ကို လူအစုလိုက်အပြုံလိုက်သတ်ဖြတ်ထား

မြန်မာနိုင်ငံအတွင်း အစုလိုက်အပြုံလိုက် သတ် ဖြတ်မှုကျူးလွန်နေသော စစ်ကောင်စီခေါင်း ဆောင်များကို ကြီးလေးသောပြစ်ဒဏ်ချမှတ်နိုင်ရေး အင်တိုက်အားတိုက် လုပ်ဆောင်သွားမည်ဟု NUG အစိုးရ လူ့အခွင့်အရေးဆိုင်ရာ ဝန်ကြီးဌာနက ယနေ့(မေ ၂၅)ထုတ်ပြန်သည်။

ထိုသို့ ဆိုးရွားသည့် ရာဇဝတ်မှုများကို ကိုယ်ထိလက်ရောက်ကျူးလွန်သူများ၊ ကျူးလွန်ရန်ခိုင်းစေသူများကို ထိရောက်ကြီးလေးသည့် ပြစ်ဒဏ်များ ပေးနိုင်ရန် တိကျသေချာသော အချက်အလက်များ၊ သတင်းများ ရရှိထားပြီးဖြစ်သည်ဟုအမျိုးသားညီညွတ်​ရေးအစိုးရ၏ လူအခွင့်အ​ရေးဝန်ကြီးဌာနက ဖော်ပြသည်။

နိုင်ငံတကာအနေနှင့် ကြီးမားသည့် ရာဇဝတ်မှုအနေဖြင့် သတ်မှတ်ထားပြီး မကြာသေးမီကာလအတွင်းက မြန်မာနိုင်ငံရှိ အကြမ်းဖက်စစ်ကောင်စီခေါင်းဆောင်များကို အစုလိုက် အပြုံလိုက်သတ်ဖြတ်မှုများ၏ တရားခံများအဖြစ် သတ်မှတ်ထားပြီးဖြစ်ကြောင်း အသိ ပေးသည်။

Public Service Announcement

Public Service Announcement

အစုလိုက်အပြုံလိုက် သတ်ဖြတ်ခံရခြင်း လက္ခဏာရပ်များတွင် လက်နက်မဲ့(သို့)ကာကွယ်မှုမဲ့နေသူအမြောက်အများကိုသတ်ဖြတ်ခြင်း၊ တစ်နေရာတည်း (သို့) ဒေသတစ်ခုအတွင်းတွင် ကျူးလွန်ခြင်း၊ တစ်ချိန်တည်း (သို့) နေ့ရက်ကာလမကွာဘဲ ကျူးလွန်ခြင်း၊ကျူးလွန်ခံရသူများသည် တစ်ဘက်တည်း (သို့) တစ်ဖွဲ့တည်းကဖြစ်လေ့ရှိခြင်း၊ ကျူးလွန်ခံရသူများသည် လူမျိူးတူ၊ ဘာသာတူ၊ အုပ်စုတူ၊ အခြေအနေတူများ ဖြစ်လေ့ရှိခြင်း၊သတ် ဖြတ်ခံရသောပုံစံများ၊ ဖျောက်ဖျက်ဖျက်စီး မြှုပ်နှံထားမှုပုံစံနှင့် သတ်ဖြတ်ခဲ့သည့် ရည် ရွယ်ချက်များတူခြင်း စသည်တို့ဖြစ်သည်။

အကြမ်းဖက်စစ်ကောင်စီက အဆိုပါ ရာဇ ဝတ်မှုများကို ကျူးလွန်နေခြင်းကြောင့် စစ် ကိုင်းတိုင်း၊ မကွေးတိုင်း၊ ချင်းပြည်နယ်နှင့် ကယားပြည်နယ်တို့ရှိ ပြည်သူများမှာ နေ့စဉ် ရက်ဆက် အစုလိုက်အပြုံလိုက်သတ်ဖြတ်ခြင်းခံနေရကြောင်း ထုတ်ပြန်သည်။

စစ်ကောင်စီက သတင်းစီးဆင်းမှုမရရှိအောင် ပြုလုပ်ထားသည့် နေရာဒေသများတွင် ယခုထက်ပိုသည့် ရာဇဝတ်မှုများ ပိုမိုကျူးလွန်၊ များပြားနိုင်ချေရှိသည်ဟု ဆိုသည်။

အစုအလိုက်အပြုံလိုက် သတ်ဖြတ်ခြင်းရာဇဝတ်မှုသည် ကြီးလေးသည့် ရာဇဝတ်မှုဖြစ်သည့်အပြင် လူသားမျိုးနွယ်တစ်ခုလုံးအပေါ်ကျူးလွန်သောရာဇဝတ်မှု(Crimes Against Humanity)၊ စစ်ပွဲဆိုင်ရာ ရာဇဝတ်မှု (War Crimes)၊ လူမျိုးသုဉ်းသတ်ဖြတ်မှု(Genocide)စသည့် ရာဇဝတ်မှုများအားလုံး၏ သတ်မှတ်ချက်နှင့် အကျုံးဝင်သော ပြစ်မှုကျူးလွန်ခြင်းမျိုးဖြစ်ကြောင်း ရှင်းပြထားသည်။

အာဏာသိမ်းအကြမ်းဖက်စစ်ကောင်စီ၏အစုလိုက်အပြုံလိုက် သတ်ဖြတ်မှုကျူးလွန်ခံရခြင်းကြောင့် ၂၀၂၁ ခုနှစ် ဇူလိုင် ၁၁ ရက်မှ ယခုနှစ်(၂၀၂၂)မေ ၁၂ ရက်အထိ ဖြစ်ရပ် ၁၁ ခုတွင်အပြစ်မဲ့ပြည်သူ ၁၇၀ ဦးခန့် သတ်ဖြတ်ခံခဲ့ရသည်။ သတင်းအချက်အလက်မရရှိ​သေး​သော စစ်​ကောင်စီကျူးလွန်​သော လူအစုလိုက်အပြုံလိုက်သတ်ဖြတ်မှုများလည်းရှိနိုင်​သေးပြီးပြည်သူများက အချက်​ပေးပိုကြရန် လူ့အခွင့်အ​ရေးဝန်ကြီးဌာနက ​ထုတ်ပြန်ထားသည်။

(စစ်​ကောင်စီကလူအစုလိုက်အပြုံလိုက်သတ်ဖြတ်ထား​သောဖြစ်ရပ်များ။ ။ကိုးကား-HR/NUG)

ဆက်စပ်သတင်းများ

သတင်း

ရှေ့တန်းလွှတ်မယ့် စစ်ကောင်စီတပ်ဖွဲ့ဝင်တွေကို စစ်အုပ်စုရဲ့ တာဝန်ရှိသူတဦးက စစ်မြေပြင်မှာ သေနတ်နဲ့ ပစ်ခံရမှာကို ကြောက်စရာ မလိုဘဲ၊ ကျည်ဆန်မှာ အမည် ပါပြီးသားမို့ ကိုယ့်အမည် မပါရင် မသေဘူးလို့ ပြောကာ အန္တရာယ်ကင်း အဆောင်လက်ဖွဲ့တွေပေးရှေ့တန်းထွက်ခိုင်းပါတယ်။

သတင်း

အပြည်ပြည်ဆိုင်ရာတရားရုံး(ICJ)မှ ချမှတ်ရန်ရှိတဲ့ စီရင်ချက်နဲ့ စစ်အုပ်စု ကာလရှည်ကြာ အကျိုးခံစားနေတဲ့ ပြစ်ဒဏ်ကင်းလွတ်ခွင့်ကို အဆုံးသတ်နိုင်ဖို့ အားထားမျှော်မှန်းလျက်ရှိကြောင်း ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက ပြောကြားခဲ့ပါတယ်။

သတင်း

နိုင်ငံတကာပါလီမန်က CRPHကို ဆက်အသိအမှတ်ပြုတာ၊ ကုလမှာ စစ်အုပ်စုကိုယ်စားပြုခွင့်မရတာ၊ အာဆီယံ ထိပ်သီးအစည်းအဝေး တက်ခွင့်မရတာတွေနဲ့ စစ်အုပ်စုလိုချင်တဲ့ အသိအမှတ်ပြုမှု ရ၊မရ တိုင်းတာနိုင်ဟုဆို

သတင်း

၂၀၂၁ စစ်တပ်အာဏာသိမ်းပြီးကတည်းက အာဆီယံထိပ်သီးညီလာခံတက်ရောက်ခွင့် ပိတ်ပင်ခံထားရတဲ့ မြန်မာ့အရေးနဲ့ပတ်သက်လို့ လာမယ့်နိုဝင်ဘာမှာ အာဆီယံအဖွဲ့ဝင်နိုင်ငံတွေရဲ့ ဆွေးနွေးမှုတွေကို မျှော်လင့်ထားတယ်လို့ ထိုင်းနိုင်ငံခြားရေးဝန်ကြီး ဆီဟာဆက်က ရိုက်တာသတင်းဌာနကို ပြောပါတယ်။

Facebook