နွေဦးတော်လှန်ရေးကာလအတွင်း ဖမ်းဆီးခံရသူတွေကို လိုက်လံဆောင်ရွက်ပေးတဲ့ရှေ့နေအချို့ ခြိမ်းခြောက်ခံရမှုတွေရှိနေတယ်လို့ ရှေနေ့အသိုင်းအဝိုင်းကနေသိရပါတယ်။
တရားလို ၊ သက်သေ တွေကို စစ်ဆေးမေးမြန်းတဲ့အခါ တရားခွင်မှာ ခြိမ်းခြောက်ခံရမှုတွေရှိတယ်လို့ မန္တလေးတိုင်းအတွင်းက ရှေ့နေတစ်ဦးကပြောပြပါတယ်။
စစ်ဆေးမေးမြန်းမှု ကိုအဟန့်အတားဖြစ်စေနိုင်လောက်ကို တရားလို ဖြစ်သူစစ်ကောင်စီလက်အောက်ခံ ရဲတပ်ဖွဲ့ဝင်တွေက ခြိမ်းခြောက်မှုလုပ်တယ်လို့သိရပါတယ်။
“ရှေ့နေက သူ့အမှုသည်အတွက် သူ့အခွင့်အရေးအရ မေးမြန်းပြီဆိုရင် တရားလိုရဲက ရှေ့နေကို ဘာကိုအဲလောက်စစ်နေတာလဲ အိမ်မပြန်ချင်ဘူးလား၊ အဲလိုတွေပေါ်တင်ပြောတာ” လို့ ကြုံတွေ့ခဲ့ရတဲ့အခြေအနေကို နိုင်ငံရေးအမှုတွေကို လိုက်ပါဆောင်ရွက်ပေးနေတဲ့ ရှေ့နေတစ်ဦးက ပြောပါတယ်။
Public Service Announcement
ဒီလို ခြိမ်းခြောက်ပြောဆိုမှုကို တရားသူကြီးတွေကြားသိပေမယ့် အရေးယူတာမျိုး တစုံတရာမရှိဘူးလို့လည်းသိရပါတယ်။
ပြီးခဲ့တဲ့ လပိုင်းကလည်း မန္တလေးတိုင်းဝန်ကြီးချုပ် ဒေါက်တာဇော်မြင့်မောင်ရဲ့ ရှေ့နေ ဒေါ်ရွက်နုအောင်ကို တရားခွင်ကအပြန် မှာစစ်ကောင်စီက ဖမ်းဆီးသွားခဲ့တာရှိပါတယ်။ အဲဒီနောက် PDF ကိုထောက်ပံ့တယ်ဆိုတဲ့စွပ်စွဲချက်နဲ့အကြမ်းဖက်ပုဒ်မနဲ့တရားစွဲဆိုထားတာရှိပါတယ်။
ဒါအပြင် ပြီးခဲ့တဲ့နှစ် ဒီဇင်ဘာလအတွင်း က မန္တလေးမှာပဲ ဥပဒေအကျိုးဆောင်လုပ်ငန်းက အမျိုးသမီး ရှေ့နေ ၄ ဦးအဖမ်းခံရတာဖြစ်ခဲ့ပါသေးတယ်။
