PDFမန္တလေးမှ ပြည်သူ့တပ်ဖွဲ့ဝင်များသည် မတ္တရာမြို့နယ်အတွင်း နယ်မြေစိုးမိုးရေး နှင့် လုံခြုံရေးကိစ္စများ ဆောင်ရွက်နေစဉ် အကြမ်းဖက်စစ်ကောင်စီ တပ်ဖွဲ့ နှင့် မေလ (၂၄) ရက်တစ်ရက်တည်းတိုက်ပွဲကြီး နှစ်ကြိမ်၊ တိုက်ပွဲငယ် နှစ်ကြိမ် စုစုပေါင်း လေးကြိမ် တိုက်ပွဲဖြစ်ပွားခဲ့ရာ အကြမ်းဖက်စစ်ကောင်စီတပ်မှ(၁၃)ဦး သေဆုံးပြီး ၊ ထိခိုက်ဒဏ်ရာ များစွာ ရရှိခဲ့ကြောင်း သိရှိရကြောင်းထုတ်ပြန်ချက်တွင်ပါရှိသည်။
သို့သော် တိုက်ပွဲတွင် စစ်ကောင်စီတပ်မှ သေဆုံးထိ့ခိုက်မှုနှင့်ပတ်သပ်၍ People’s Spring ကသီးခြားအတည်မပြုနိုင်ပါ။စစ်ကောင်စီကလည်း ထိုတိုက်ပွဲသတင်းထုတ်ပြန်ခြင်းမရှိပေ။ စစ်ကောင်စီ၏ ဝါဒဖြန့်မီဒီယာများ ၎င်းတို့ဘက်သေဆုံးထိ့ခိုက်မှုရှိသော တိုက်ပွဲသတင်းများကိုထုတ်ပြန်လေ့မရှိပါ။
ထိုတိုက်ပွဲတွင်PDF မန္တလေးဘက်မှတပ်ဖွဲ့ဝင်များ ထိခိုက်ဒဏ်ရာ ရရှိခြင်းမရှိပဲ အောင်မြင်စွာ ခွာစစ်ဆင်နိုင်ခဲ့သည်ဟုလည်းပြည်သူ့ကာကွယ်ရေးတပ်မတော် မန္တလေး စစ်ဦးစီးအဖွဲ့ကပြည်သူသို့အသိ့ပေးသည်။ PDF မန္တလေးသည် အမျိုးသားညီညွတ်ရေးအစိုးရ(NUG) ၊ကာကွယ်ရေးဝန်ကြီးဌာနလက်အောက်ရှိ ပြည်သူ့ကာကွယ်ရေးတပ်ဖြစ်သည်။
