ဓမ္မနှင့်အဓမ္မကို မခွဲခြားတက်သည့်အပြင် တိုင်းပြည်အနာဂတ်ကို နွံထဲဆွဲချနေသည့်လုပ်ရပ်ဖြစ်ဟုဆို
စစ်ကောင်စီ၏ အာဏာရှင်စနစ်အောက်ကျောင်းဖွင့်ရန် ကြိုးစားနေသည့် Non-CDM ဆရာ၊ဆရာမများအား အာဏာရူးလူတစ်စု၏ နောက်လိုက်အပေါင်းအပါများအဖြစ် သတ်မှတ်ကြောင်း ကချင်ဒေသပြည်သူ့ကာကွယ်ရေးတပ်(KPDF)-နန်းမားက ထုတ်ပြန်သည်။
နန်းမားဒေသတွင်းရှိ Non-CDM ဆရာ၊ဆရာမများသည် နန်းမားမြို့ ပညာရေးလောက၏ လောက်ကောင်၊မများအဖြစ် သတ်မှတ်ကြောင်းလည်း ကြေညာခဲ့သည်။
Non-CDM ဆရာ၊ဆရာမများသည် CDM လှုပ်ရှားမှုတွင် ပါဝင်ခြင်းမရှိဘဲ အာဏာရူးစစ်ကောင်စီ လူတစ်စု၏ ယန္တရားတွင်ပါဝင်ကာ ပြည်သူနှင့်တကွ ဘ၀တူ ပြည်သူ့ဝန်ထမ်းများအား သစ္စာဖောက်ခြင်းဖြစ်သည်ဟု ဖော်ပြသည်။
Public Service Announcement
၎င်းတို့သည် အာဏာလုစစ်ကောင်စီမှ ဖွင့်လှစ်သော စွမ်းရည်နိမ့် သင်တန်းအား တက်ရောက်ခဲ့ပြီး ယခုအခါတွင်လည်း အဆင့်မမှီ ပြည့်၀ခြင်းမရှိသော ပညာရေးစနစ်အား နိုင်ငံ့အနာဂတ် လူငယ်များကို သင်ကြားရန် ပြုလုပ်နေခြင်း၊ ဓမ္မနှင့် အဓမ္မတို့ကို မခွဲခြားတက်ဘဲ တိုင်းပြည်အနာဂတ်ကိုပါ နွံထဲသို့ဆွဲချနေခြင်း တို့ကြောင့် အများပြည်သူလူထု များကြားတွင် ခေါင်းမဖော် အရှက်ရစေရုံသာမကဘဲ ပြင်းထန်သောလူမှုရေးပြစ်ဒဏ်ပေးကြရန် နန်းမား PDFက ထုတ်ပြန်သည်။
ထို့ပြင် ဒေသတွင်းရှိ Non-CDM ဆရာ/ဆရာမ များသည် အပြစ်မဲ့ ပြည်သူလူထုအား ရက်စက်စွာ ညှင်းပန်းနှိပ်စက်သတ်ဖြတ်နေသော အာဏာရူး လူတစ်စု၏ နောက်လိုက် အပေါင်းအပါများအဖြစ် မှတ်ယူကြောင်း ဖော်ပြထားသည်။
ဖြစ်လာမည့် အကျိုးဆက်အတွက် တာဝန်ယူမည်မဟုတ်ကြောင်းလည်း နန်းမား PDFက ထုတ်ပြန်သည်။
