Connect with us

Hi, what are you looking for?

LuduNwayOo

သတင်း

စစ်ဘေးရှောင် ကိုယ်ဝန်ဆောင်အမျိုးသမီးတွေ မီးဖွားချိန်မှာအန္တရာယ်ရှိတဲ့အခြေအနေတွေ ရင်ဆိုင်နေရ

စစ်ကောင်စီဟာ ဆေးဝါးပစ္စည်းတွေ သယ်ယူပို့ဆောင်တာကို ပြင်းထန်စွာကန့်သတ်ထားပြီး စစ်ဘက်ဆိုင်ရာစစ်ဆေးရေးဂိတ်တွေကိုလည်း တိုးမြှင့်ချထားခဲ့တဲ့အပြင် ဒေသခံရွာသားတွေသယ်ဆောင်လာတဲ့ ဆေးဝါးပစ္စည်းတွေကိုလည်း စစ်ကောင်စီက သိမ်းယူတာတွေရှိလို့ ရွာသားတွေက လျှို့ဝှက်စွာ သယ်ယူပို့ဆောင်ကြရတယ်လို့ သိရပါတယ်။

စစ်ဘေးရှောင်
စစ်ဘေးရှောင်

စစ်အာဏာသိမ်းပြီးချိန်ကစလို့ မြန်မာပြည်အရှေ့တောင်ပိုင်းက မိခင်နဲ့ကလေးတွေအတွက် ကျန်းမာရေးစောင့်ရှောက်မှုကျဆင်းခဲ့ပြီး ထွက်ပြေးတိမ်းရှောင်နေရတဲ့ ကိုယ်ဝန်ဆောင်အမျိုးသမီးတွေဟာ မီးဖွားတဲ့အချိန်မှာ အန္တရာယ်ရှိတဲ့အခြေအနေတွေနဲ့ ရင်ဆိုင်နေရတယ်လို့ ကရင်လူ့အခွင့်အရေးအဖွဲ့(KHRG) အစီရင်ခံစာကနေ သိရပါတယ်။

စစ်တပ်က အာဏာသိမ်းပြီးတဲ့နောက် မြန်မာနိုင်ငံအရှေ့တောင်ပိုင်းဒေသတွေမှာ ကျန်းမာရေးနဲ့ပတ်သက်တဲ့ ကူညီထောက်ပံ့တဲ့ဝန်ဆောင်မှုတွေကို စစ်ကောင်စီ ကြီးမားစွာဖြတ်တောက်လိုက်တဲ့အတွက် တိုင်းရင်းသားဒေသက ကျေးရွာတွေရဲ့ ကျန်းမာရေးစောင့်ရှောက်မှုအခြေအနေဟာ ပိုမိုဆိုးရွားလာတယ်လို့ အစီရင်ခံစာမှာဖော်ပြထားပါတယ်။

စစ်ကောင်စီဟာ ဆေးဝါးပစ္စည်းတွေ သယ်ယူပို့ဆောင်တာကို ပြင်းထန်စွာကန့်သတ်ထားပြီး စစ်ဘက်ဆိုင်ရာစစ်ဆေးရေးဂိတ်တွေကိုလည်း တိုးမြှင့်ချထားခဲ့တဲ့အပြင် ဒေသခံရွာသားတွေသယ်ဆောင်လာတဲ့ ဆေးဝါးပစ္စည်းတွေကိုလည်း စစ်ကောင်စီက သိမ်းယူတာတွေရှိလို့ ရွာသားတွေက လျှို့ဝှက်စွာ သယ်ယူပို့ဆောင်ကြရတယ်လို့ သိရပါတယ်။

ဒါ့အပြင် ကျန်းမာရေးဝန်ထမ်းတွေဟာ စစ်ကောင်စီရဲ့အဓိကပစ်မှတ်ဖြစ်လာတဲ့အတွက် ကျန်းမာရေးစောင့်ရှောက်မှုအနည်းငယ်သာရရှိထားတဲ့ ကျေးလက်ဒေသတွေမှာ လှုပ်ရှားမှုတွေလျော့နည်းလာပြီး စစ်ဘေးရှောင်တွေအတွက် ကျန်းမာရေးဝန်ထမ်းမရှိပါက ကျန်းမာရေးစောင့်ရှောက်မှုမရရှိနိုင်ဘူးလို့ အစီရင်ခံစာမှာ ဖော်ပြထားပါသေးတယ်။

စစ်ဘေးရှောင်စခန်းတွေမှာ ကိုယ်ဝန်ဆောင်နဲ့ ကလေးမီးဖွားမှုအတွက် အကူအညီပေးနိုင်တဲ့ ကျန်းမာရေးလုပ်သားတွေမရှိသလို စစ်ဘေးရှောင်တွေအနေနဲ့ ဆေးဝါးပစ္စည်းတွေကို လက်လှမ်းမမှီနိုင်တဲ့အတွက် နောက်ဆက်တွဲရလဒ်အနေနဲ့ ရွာသားတွေတချို့ သေဆုံးရတာတွေရှိတယ်လို့ အစီရင်ခံစာမှာပါရှိပါတယ်။

ဒါ့အပြင် သက်ကြီးရွယ်အိုတွေနဲ့ မသန်စွမ်းသူတွေမှာ ကျေးရွာအတွင်နေထိုင်ခြင်းက လုံခြုံမှုမရှိပေမယ့် ထွက်ပြေးတိမ်းရှောင်နိုင်ခြင်းမရှိပဲ သူတို့အနေနဲ့ ပိုမိုဆိုးရွားတဲ့ ကျန်းမာရေးအခက်အခဲတွေကို ရင်ဆိုင်ရနိုင်ခြေရှိတယ်လို့လည်း ကရင်လူ့အခွင့်အရေးအဖွဲ့(KHRG)ရဲ့ အစီရင်ခံစာအရ သိရပါတယ်။

You May Also Like

သတင်း

ဝက်လက်နယ်တင်မကဘဲ စစ်ကိုင်းတိုင်း၊ ကန့်ဘလူမြို့နယ်တွင်လည်း ​စစ်ဘေးရှောင်များမကြာ ခဏ​မြွေကိုက်၍ လူသေဆုံးမှုများ ဖြစ်ပေါ်နေသည်။

သတင်း

လဲပင်ရွာအနီး စစ်ကြောင်းထိုးလာသည့် အင်အား ၆၀ခန့်ပါ စစ်ကောင်စီစစ်ကြောင်းကို ပြည်ခရိုင် PDFက အောက်တိုဘာ ၂၇ရက်တွင် တိုက်ခိုက်ခဲ့သည်။

သတင်း

စစ်ဘေးရှောင်များအား KURDAF မဟာမိတ် အင်အားစု အဖွဲ့ဝင် KSO ဆေးတပ်သားများကလည်း နှစ်ပတ်တစ်ကြိမ် အခမဲ့ ဆေးကုသပေးနေသည်ဟု ၎င်းက ပြောသည်။

သတင်း

ယမန်နေ့ည ၉ နာရီခန့်က မိုးဗြဲအခြေစိုက် စစ်ကောင်စီ၏ (၄၂၂)တပ်မှ စစ်ဘေးရှောင်စခန်းကို ရည်ရွယ်ချက်ရှိရှိ ပစ်ခတ်ခဲ့ခြင်းဟု ဆိုသည်။