မန္တလေးမြို့တွင်းမှာ ဒီနေ့ ညနေပိုင်းက စစ်ကားတစ်စီးဗုံးပစ်ခံလိုက်ရပြီး ကားလည်းထိခိုက်သွားသလို စစ်ကောင်စီတပ်ဖွဲ့ဝင်တွေလည်း ဒဏ်ရာရသွားတယ်လို့ သိရပါတယ်။
ဒီတိုက်ခိုက်မှုကို Generation Z power ဆိုတဲ့ မန္တလေးမြို့ပြပျောက်ကြားအဖွဲ့က လုပ်ဆောင်တာလို့ထုတ်ပြန်ထားပါတယ်။
ဒီနေ့ညနေ ၅ နာရီဝန်းကျင်မှာ မဟာအောင်မြေမြို့နယ် ကမ်းနားလမ်းအနီးမှာ စစ်ကားဟာ ဗုံးနဲ့ တိုက်ခိုက်ခံရတာပါ။
အဲဒီစစ်ကားဟာအထက်ပိုင်းတိုက်ပွဲတွေမှာ ဒဏ်ရာရလာတဲ့ စစ်ကောင်စီတပ်သားတွေကိုဆေးကုသဖို့တင်ဆောင်လာတဲ့ကားဖြစ်တယ်လို့ Generation Z power ဆိုတဲ့ မန္တလေးမြို့ပြပျောက်ကြားအဖွဲ့ကဆိုထားပါတယ်။
Public Service Announcement
ဒီနေ့ နေ့ခင်းပိုင်းကလည်း မဟာအောင်မြေမြို့နယ် က ရပ်ကွက်အုပ်ချုပ်ရေးမှူးရုံးတစ်ရုံးမှာ ပေါက်ကွဲမှုဖြစ်ခဲ့ပါသေးတယ်။
ဓာတ်ပုံ − AFP
