နိုင်ငံတော်၏အတိုင်ပင်ခံပုဂ္ဂိလ် ဒေါ်အောင်ဆန်းစုကြည် မွေးနေ့ကို မုံရွာအကျဥ်းထောင်အတွင်း နိုင်ငံရေးအကျဥ်းသားများက ဦးဆောင်ကာ ကျင်းပခဲ့ကြသည်။
ဒေါ်အောင်ဆန်းစုကြည်၏ အသက် ၇၇နှစ်ပြည့် မွေးနေ့ပွဲကို မုံရွာအကျဥ်းထောင်အတွင်းဇွန်လ ၁၉ရက်က ကျင်းပခဲ့ကြောင်း မုံရွာမြို့မှနိုင်ငံရေးတက်ကြွလှုပ်ရှားသူတစ်ဦးက People’s Spring သို့ပြောသည်။
“မွေးနေ့ပွဲလုပ်ခဲ့တာကို ကျွန်တော့်ဆီသတင်းပုံစံရေးပို့တယ်။ အကျဥ်းထောင်ဘက်က အရမ်းတင်းကျပ်တာတော့ မရှိဘူး။ ဒါပေမယ့် တက်ကြွတဲ့ နိုင်ကျဥ်းတွေကလည်း တင်းကျပ်လည်းလုပ်မယ့်သူတွေ” ဟု ၎င်းကဆက်ပြောသည်။
မုံရွာအကျဥ်းထောင်အတွင်း ဇွန်လ ၁၉ရက် နံနက် ၅နာရီတွင် ဒေါ်အောင်ဆန်းစုကြည်အား အမှုးထားကာ မေတ္တာပို့အမျှဝေခဲ့ပြီး မေတ္တာသုတ်၊မောရသုတ်များကို သံပြိုင်ရွတ်ဆိုခဲ့ကြောင်း၊အမိမြေအား စစ်အာဏာရှင်လက်မှ လွတ်မြောက်စေစေကြောင်း ဆုတောင်းခဲ့ကြသည်ဟု သိရသည်။
Public Service Announcement
နိုင်ငံရေးအကျဥ်းသားများက မတည်၍ မနက်ပိုင်းတွင်အကျဥ်းသားအားလုံးကို ကော်ဖီနှင့်မုန့်ကျွေးပြီး၊နေခင်းတွင် အချိုရည်တိုက်သည်။ထိုအပြင် ဒေါ်အောင်ဆန်းစုကြည် ကိုဂုဏ်ပြု ၍ကဗျာရွတ်ဆိုခဲ့ကြကြောင်းသိ့ရသည်။
မုံရွာအကျဥ်းထောင်အတွင်း နိုင်ငံရေးအကျဥ်းသား ၈၀၀ခန့်ရှိပြီး ယင်းတို့အထဲတွင် စစ်ကိုင်းတိုင်းဝန်ကြီးချုပ်ဒေါက်တာမြင့်နိုင်နှင့် တိုင်းအစိုးရအဖွဲ့ဝင်များအပြင် မုံရွာသပိတခေါင်းဆောင်ကိုဝေမိုးနိုင် ၊နိုင်ငံရေးတက်ကြွလှုပ်ရှားသူကိုမာန်ဇာမြေမွန်စသောနိုင်ငံရေးအကျဥ်းသားများစွာရှိသည်။
စစ်ကောင်စီကထိန်းသိမ်းထားသည့်နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏ အသက် ၇၇နှစ်မြောက်မွေးနေ့ပွဲကိုလူထုကလည်းကျင်းပခဲ့ကြသလိုပြည်သူ့ကာကွယ်ရေးအဖွဲ့များကလည်း ရှေ့တန်းနေရာများမှနေ၍ကျင်းပခဲ့ကြသည်။
ဇွန်လ၂၀ရက်ကရုံးထုတ်စဥ်ကလည်းဒေါ်အောင်ဆန်းစုကြည်ကိုယ်တိုင်ပါဝင်သော မွေးနေ့ပွဲကို တရားရုံးတွင် ကျင်းပခဲ့သည်။
