မြန်မာတွင် စစ်တပ်အာဏာသိမ်းပြီးနောက်ပိုင်း မြေမြှပ်မိုင်းနှင့် စစ်လက်နက် ပစ္စည်းများကြောင့် ကလေးငယ် ၁၁၅ ဦးသေဆုံးဒဏ်ရာရဟု ယူနီဆက်ထုတ်ပြန်

မြန်မာနိုင်ငံတွင် ၂၀၂၁ ခုနှစ် ဖေဖော်ဝါရီနောက်ပိုင်း မြေမြှပ်မိုင်းနှင့် မပေါက်ကွဲသေးသော စစ်လက်နက်ပစ္စည်းများကြောင့် ကလေးငယ် ၁၁၅ဦး ထိသေဆုံးခဲ့ရကြောင်း ယူနီဆက်မြန်မာက ယနေ့(ဇွန် ၂၄)ထုတ်ပြန်သည်။

မကွေးတိုင်းဒေသကြီး၊ ဂန့်ဂေါမြို့နယ်တွင် ဗုံးသီးပေါက်ကွဲမှုကြောင့် အသက်ခုနစ်အရွယ် ကလေးနှစ်ဦးသေဆုံးမှုနှင့်ပတ်သက်ပြီး ယူနီဆက်ကထုတ်ပြန်ရာတွင် အထက်ပါအတိုင်း ထည့်သွင်းဖော်ပြခြင်း ဖြစ်သည်။

ထုတ်ပြန်ချက်အရ ယခုနှစ်(၂၀၂၂) ဇန်နဝါရီမှ ဧပြီလအတွင်း၌ပင် မြေမြှပ်မိုင်းနှင့် မပေါက်ကွဲသေးသော စစ်လက် နက်ပစ္စည်းများကြောင့် ထိခိုက်သေဆုံးသည့် ကလေးငယ် ၄၇ဦးရှိခဲ့သည်ဟု ဆိုသည်။

“မြေမြှုပ်မိုင်းများနှင့် မပေါက်ကွဲသေးသော စစ်လက်နက်ပစ္စည်း (UXO) များသည် မြန်မာ နိုင်ငံရှိ ကလေးငယ်များစွာကို အသက်ဆုံးရှုံးစေခြင်းနှင့် ကိုယ်လက်အင်္ဂါချို့တဲ့စေခြင်းများ ဆက်လက်ဖြစ်ပေါ်စေလျက်ရှိပါသည်”ဟု ယူနီဆက်က အသိပေးသည်။

Public Service Announcement

ထို့ကြောင့် ထိခိုက်နစ်နာသူများအတွက် အကူ အညီများ လွယ်ကူချောမွေ့စွာ ပေးနိုင်ရန်၊ မြေမြှုပ်မိုင်းအသုံးပြုမှုများ ရပ်တန့်ရန်နှင့် ရှိနှင့်ပြီးသော မြေမြှုပ်မိုင်းနှင့် မပေါက်ကွဲသေးသော စစ်လက်နက်ပစ္စည်းများ(UXO)ကို ရှင်းလင်းကြရန် မေတ္တာရပ်ခံ သက်ဆိုင်ရာအဖွဲ့အစည်းများအား တိုက်တွန်းထားသည်။