စစ်ကိုင်းတိုင်း၊ ချောင်းဦးမြို့နယ်တွင် ထန်းတောအတွင်း ဝိုင်းဖွဲ့ထိုင်နေသည့်စစ်ကောင်စီတပ်သားများအားဒရုန်းစစ်ဆင်ရေးဖြင့် တိုက်ခိုက်ရာစစ်သား အနည်းဆုံး ၁၂ ဦးသေဆုံးနိုင်ကြောင်း မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ (CDSOM)က သတင်းထုတ်ပြန် သည်။
ယမန်နေ့ (ဇူလိုင်၁)က ချောင်းဦးမြို့နယ် မှန်ချိုကျေးရွာတွင်တပ်စွဲထားသော အကြမ်းဖက်စစ်ကောင်စီတပ်များသည် ယနေ့(ဇူလိုင်လ ၂ ရက်) ညနေ ၄နာရီကျော်တွင် ချောင်းဦး
နှင့် ငါးယှန်ရွာအကြားရှိ ထန်းတောအတွင်း ဝိုင်းဖွဲ့ထိုင်နေခဲ့ကြသည်။
အုပ်စုဖွဲ့ထိုင်နေသော စစ်ကောင်စီတပ်သားများ၏ ဝိုင်းအား ပြည်သူ့ကာကွယ်ရေးတပ်ဖွဲ့ဝင်များက ဒရုန်းဖြင့် အီနာဂါချတိုက်ခိုက်ခဲ့ရာ မျက်မြင်တွေ့ရှိသူများ၏ပြောကြားချက်အရ အနည်းဆုံး ၁၂ ဦးသေဆုံးကြောင်း CDSOM အဖွဲ့ နှင့်ချောင်းဦးမြို့နယ်တော်လှန်ရေးအဖွဲ့(CRA)တို့က ယနေ့ညတွင်ထုတ်ပြန်သည်။
အဆိုပါ အကြမ်းဖက်စစ်အုပ်စုမှ အင်အား ၁၅၀ခန့်ပါသော စစ်ကြောင်းသည် မှန်ချိုရွာမှ အရှေ့ဘက်သို့ ဆက်လက်ထွက်ခွာလာစဉ် ချောင်းဦး – မန္တလေး လမ်းပိုင်းပေါ်ရောက်လာခဲ့သည်။ ယင်းစစ်ကြောင်းမှ ရှေ့ပိုင်း အင်အား ၅၀ဝန်းကျင်ခန့်သည် လမ်းပေါ်မောင်းနှင်လာသော တွဲကားတစ်စီးအား တားခဲ့သည်။ အဆိုပါ ကားပေါ်အတက် ပြည်သူ့ကာကွယ် ရေးတပ်ဖွဲ့ဝင်များက ဒရုန်းဖြင့် အီနာဂါချခဲ့ရာ ဒရုန်းမှာ Air Drop Error ကြောင့် ဒရုန်းစစ်ဆင်ရေး အောင်မြင်မှုရရန် လွဲချော်ခဲ့ရသည်ဟု CDSOMက အသိပေးသည်။
Public Service Announcement
“သေတာကပထမဖြစ်စဥ်မှာပါ။ ဒုတိယဖြစ်စဥ်မှာ error ကြောင့် အီနာဂါချမရဖြစ်သွားတယ်။”ဟု CDSOM တာဝန်ရှိသူက ပြောသည်။
အထက်ပါ ဒရုန်းစစ်ဆင်ရေးများအား CDSOM ၏ Drone Team၊ CDSOM ၏ မြောက်ပိုင်းတိုက်ခိုက် ရေးနှင့်ကာကွယ်ရေးအဖွဲ့ 012၊ CDSOM ၏ မြောက်ပိုင်းတိုက်ခိုက်ရေးနှင့်ကာကွယ်ရေးအဖွဲ့ BSK၊ Young Fighter People’s Defence Force of Myaung၊ Shwe – Ao Revolution Force၊ Chaung U Middle Wolves Army၊ ချောင်းဦးမြို့နယ်ပြည်သူ့ကာကွယ်ရေးအဖွဲ့ – CHUPDF၊ Black Eagle Defense Force – MMU မြင်းမူလင်းယုန်နက်ကာကွယ်ရေးအဖွဲ့၊ Myinmu Civil Revolution Force – CRF မြင်းမူမြို့နယ်တော်လှန်ရေးတပ်ဖွဲ့၊ MPTF မုံရွာကာကွယ် ရေးအဖွဲ့၊ Chaung U Revolution Army ချောင်းဦးမြို့နယ်တော်လှန်ရေးတပ်ခွဲ (၂)နှင့် PDF-Taloke စသည့် ညီနောင်မဟာမိတ်အဖွဲ့ (၁၂)ဖွဲ့တို့ ပူးပေါင်းတိုက်ခိုက်ခဲ့သည်။
ဇွန်လ ၂၉ရက် နံနက် ၁၁နာရီအချိန်က မြောင်မြို့နယ်တွင် စစ်ကောင်စီတပ်အား မဟာမိတ်အဖွဲ့က ဒရုန်းစစ်ဆင်ရေးဖြင့် တိုက်ခိုက်ခဲ့ပြီး ခုနစ်ဦးထက်မနည်းသေဆုံးနိုင်သည်ဟု ဒေသတွင်းမဟာမိတ်အဖွဲ့များက အသိပေးထားသည်။
