ချင်းတွင်းမြစ် ရွှေလှေ – အမြင့်ရေလက်ကြားအတွင်း ဖြတ်သန်းမောင်းနှင်ခြင်းမပြုရန် ချောင်းဦးမြို့နယ်တော်လှန်ရေးတပ် သတိ​ပေး

ချင်းတွင်းမြစ်ကြောအတွင်းရှိ ရွှေလှေ – အမြင့်ရေလက် ကြားအတွင်း ဖြတ်သန်းမောင်းနှင်ခြင်းမပြုရန် ချောင်းဦးမြို့နယ်တော်လှန်ရေးတပ် – Chaung U Revolution Army ထုတ်ပြန်သည်။

“အဲဒီရေလက်ကြားမှာက ကံကြီးကုန်း(ခွေးကုန်း)-ပျူရွာနဲ့ နီးတယ်။အခုက မိုးတွင်းရေတက်ချိန်ဖြစ်တာနဲ့ အဲဒီရွာထဲ ရေဝင်တယ်။ နောက်တစ်ခုက ဒီကောင်တွေက ပြည်သူစက်လှေတွေ သဘော်တွေကို မကြာခဏ ချောဆွဲတာလည်းရှိနေတယ်”ဟု CRA တာဝန်ရှိသူက လူထုနွေဦးသို့ ပြောသည်။

ထို့အပြင် အကြမ်းဖက်စစ်ကောင်စီတပ်က ချင်းတွင်း မြစ်ကြောင်းအသုံးပြုမှုများလာသည့်အတွက် ရေကြောင်းတိုက်ခိုက်ရေး ပြင်ဆင်နေမှုကြောင့် ပြည်သူ့စက်လှေများ ထိခိုက်မှုမရှိစေရန် ကြိုတင်သတိပေးခြင်းဟု၎င်းက ဆိုသည်။

ထို့ကြောင့် ပြည်သူ့စက်လှေ၊အမြန်​ရေယာဥ်များးသည် ယင်းမြစ်လက်ကြားအတွင်း ဖြတ်သန်းမောင်းနှင်ခြင်းမပြုဘဲ ပင်မမြစ်ကြောမှ သွားလာကြရန် မေတ္တာရပ်ခံသည်။

Public Service Announcement

အဆိုပါ မြစ်လက်ကြားတွင် လုံခြုံရေပစ္စည်းများ တပ်ဆင်ထားသောကြောင့် ဆင်ဖြူရှင်တံတား အောက်ဖက်နှင့်အမြင့်အထက်ဖက်တွင်ရှိသော အဖွဲ့အစည်းများ၊ပြည်သူများအနေဖြင့် အစုန်အဆန် မောင်းနှင်လာသောယာဥ်များကို ရွှေလှေ – အမြင့် မြစ်လက်ကြားသို့ မဝင်ရောက်စေရေးတားမြစ်ပေးရန် ချောင်းဦးမြို့နယ်တော်လှန်ရေးတပ်-CRA အဖွဲ့က အသိပေးသည်။