တာဝန်ထမ်းဆောင်ရန် ခရီးရှည်ထွက်ခဲ့သော ရဲဘော်များ စခန်းပြန်ရောက်ပြီဟု သရက် PDF အသိပေး

တော်လှန်​ရေးခရီးကြမ်းအတွက် တာဝန်ထမ်း​ဆောင်ရန် ခရီးရှည်ထွက်ခဲ့ကြသော ရဲဘော်များ အခြေစိုက်စခန်းသို့ ပြန်လည်ရောက်ရှိပြီဖြစ်ကြောင်း သရက်မြို့နယ်ပြည်သူ့ကာကွယ်ရေးတပ်ဖွဲ့က ယနေ့(ဇူလိုင် ၉)တွင် သိပေးထုတ် ပြန်သည်။

“မိမိတို့၏ ပြည်သူ့ကာကွယ်​ရေးရဲ​ဘော်များအားလုံး မိဘပြည်သူတို့၏အကူအညီများဖြင့် မိမိတို့နေရာများသို့ ​ဘေးမသီရန်မခဘဲ အဆင်​ပြေ​ချော​မွေ့စွာ အားလုံးပြန် လည် ​ရောက်ရှိကြပါပြီ”ဟု ဆိုသည်။

​တော်လှန်​ရေးတိုက်ပွဲများအား အားမ​လျော့ဘဲ ဆက် လက်လျောက်လှမ်း ချီတက်သွားကြမည်ဟု ကတိသစ္စာပြုထားပြီး မိဘပြည်သူများ၏ အကူအညီ၊ ​မေတ္တာ၊ ​စေတနာထားမှုများကို အထူးကျေးဇူးတင်ရှိကြောင်းမှတ်တမ်းတင်အပ်ပါသည်ဟု ဖော်ပြထားသည်။

ပြီးခဲ့သည့် ဇွန်လ ၂၂ ရက်က ပွင့်ဖြူမြို့နယ် မဲဇလီတံတားအနီး စစ်ကောင်စီတပ်နှင့် သရက် -ကံမပြည်သူ့ကာကွယ်ရေးပူးပေါင်းတပ်များကြား အပြန်အလှန်ပစ်ခတ်မှုဖြစ်ပွားခဲ့ရာ တော်လှန်ရေးရဲဘော် ၁၂ဦးကျဆုံးကာ သုံးဦးဖမ်းခံရပြီး ရဲဘော်အချို့သာ လွတ်မြောက်ခဲ့သည်။

Public Service Announcement

အခြေစိုက်စခန်းသို့ ပြန်လည်ရောက်ရှိလာသောအထက်ပါ ရဲဘော်များမှာ ပွင့်ဖြူမြို့နယ်ထိတွေ့တိုက်ပွဲမှ လွတ်မြောက်ခဲ့သော ရဲဘော်များဟုတ်မဟုတ်ကိုမူ မသိရှိရသေးပေ။