အရာ​တော်နယ်တွင် ကင်းပတ်​နေ​သောစစ်အုပ်စု မဟာမိတ်အဖွဲ့များ တိုက်ခိုက်

စစ်ကိုင်းတိုင်း၊ အရာတော်မြို့နယ်ရှိ ငွေတွင်း​ကျေးရွာမှ ကင်းပတ်ထွက်လာသော အကြမ်းဖက်စစ်​ကောင်စီတပ်နှင့် ပျူ​စောထီးများအား မိုင်း​ဆွဲတိုက်ခိုက်ရာ ​ခြောက်ဦးခန့်ထိခိုက်ဒဏ်ရာရ သေဆုံးသွားကြောင်း အရာတော်အခြေ စိုက် မဟာမိတ်အဖွဲ့များက သတင်းထုတ်ပြန်သည်။

ယမန်နေ့(ဇူလိုင် ၁၂ရက်) ညနေ ၄နာရီခန့်က အရာ​တော်မြို့နယ် ငွေတွင်းရွာမှ ဆိုင်ကယ် ရှစ်စီးဖြင့် ကင်းပတ်ထွက်လာသော စစ်ကောင်စီတပ်သားများနှင့် ပျူစောထီးများသည် ပြည်သူ့ရဲဘော်များ ထောင်ထားသော မိုင်းများကို တိုက်မိခဲ့ခြင်းဖြစ်သည်ဟု တမန်တော်ပြောက်ကျား တပ်ဖွဲ့၏ ထုတ်ပြန်ချက်တွင် ဖော်ပြသည်။

မိုင်းဆွဲတိုက်ခိုက်မှုကြောင့် အကြမ်းဖက်စစ်သားနှင့်ပျူ ​ခြောက်ဦးခန့် သေဆုံးကြောင်း တမန်တော်ပြောက်ကျား တပ်ဖွဲ့က အသိပေးသည်။

အဆိုပါစစ်ဆင်ရေးကို တမန်တော်ပြောက်ကျားတပ်ဖွဲ့(APOSTLE)၊Ayadaw Bone Naing PDFတို့က ဦးဆောင်၍ သပြေညို ပြောက်ကျားတပ်ဖွဲ့၊ Ayadaw Falcon Force (AF2)၊MRTF တပ်ဖွဲ့ စသည့်မဟာမိတ်အဖွဲ့များကပူးပေါင်း တိုက်ခိုက်ခဲ့ခြင်းဖြစ်ကြောင်း ၎င်းတို့က အသိပေးသည်။

Public Service Announcement

အထက်ပါဖြစ်စဥ်နှင့်ပတ်သက်၍ မဟာမိတ်အဖွဲ့များ ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပေ။ သေဆုံးထိခိုက်မှုအခြေအနေနှင့်ပတ်သက်၍ People’s Springက ထပ်မံအတည်ပြုနိုင်ခြင်း မရှိသေးပေ။

စစ်​ကောင်စီတပ်နှင့်ပျူစောထီးများကြီးစိုးရာ အရာတော်မြို့နယ် ငွေတွင်းကျေးရွာအား ဇူလိုင် ၂ရက် နံနက်ပိုင်းကလည်း ဒေသတွင်းအဖွဲ့များက သွားရောက်တိုက်ခိုက်ခဲ့ရာ စစ်​ကောင်စီတပ်သား နှစ်ဦးသေဆုံးကြောင်း မဟာမိတ်အဖွဲ့များက သတင်းထုတ်ပြန်ထားသည်။