ရန်ကုန်မြို့ စမ်းချောင်းမြို့နယ် လူစည်ကားရာတနေရာဖြစ်သော မြေနီကုန်း ခုံးတံတားဘေးတွင် ယနေ့ (ဇူလိုင် ၂၇) နေ့လည်ပိုင်း၌ တော်လှန်လူငယ်များက “မင်းတို့အားလုံး ပြန်ပေးဆပ်ကြရလိမ့်မည်” ဟု ရေးသား၍ စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်ခဲ့ကြသည်။
အဆိုပါ လှုပ်ရှားမှုကို ဗမာ့လူငယ်ကွန်ရက် (ဗလက) မှ တနိုင်ငံလုံးရှိ တော်လှန်ရေးအင်အားစုများအားလုံး၏ ကိုယ်စား ယင်းစာသားကို ဆေးမှုတ်၍ စစ်အာဏာရှင်များကို ရာဇသံပေးခဲ့ကြောင်း ထုတ်ပြန်ခဲ့သည်။
ဒီမိုကရေစီအရေး လှုပ်ရှားသူများဖြစ်သော “ကိုဂျင်မီ၊ ကိုဇေယျာသော်၊ ကိုလှမျိုးအာင်၊ ကိုအောင်သူရဇော်တို့ကို ရန်သူစစ်တပ်မှ ထောင်တွင်းလူသတ်မှု ကျူးလွန်ခဲ့ပြီး နောက်ပိုင်းမှစ၍ ပိုမိုပြင်းထန်သော သွေးကြွေးဆပ်၊ လက်တုန့်ပြန်မှုများ အရှိန်အဟုန်မြှင့်လာတော့မည် ဖြစ်ကြောင်း ကိုလည်း ဗမာ့လူငယ်ကွန်ရက်က ဆိုသည်။
